Paisnan Latino-Americano ta condena entrada di Ecuador den embahada Mexicano

MEXICO – Paisnan Latino Americano a reacciona cu rabia riba e detencion di e ex vice presidente Ecuatoriano  Jorge Glas dejn e embahada Mexicano na Ecuador diabierna ultimo. Nan ta condena e invasion y ta yame un violacion flagrante di derecho internacional. Paisnan manera Brazil y otro nan Latino Americano a mustra nan sosten na Mexico. Tabata diabierna cu autoridad Ecuatoriano a invadi e embahada y a detene Glas, cu for di December ta permanece eyden y a pidi asilo politico. Ecuador ta culpe di fraude. Mester bisa cu Mexico mientrastanto a otorga e asilo na Glas.  

SOBERANIA

Derecho internacional ta hopi cla riba soberania di embahada. Diplomaticonan y personanan cu ta representa nan pais den exterior ta ‘inviolable’ y of intocable. E pais anfitrion no por persigi ni detene personanan cu ta den un embahada. 

DETENCION

Tabata e presidente actual di Ecuador, Daniel Noboa ta esun cu a bay pa e detencion di Glas.  Segun Noboa, e procedura di asilo ta illegal pasobra Glas ta acusa di corupcion. Den pasado e la sinta un castigo caba. Glas tabata vice presidente entre 2013 y 20217 durante presidencia di Rafael Corea y a keda sentencia dos biaha caba pa corupcion. 

ENCARCELACION

Despues cu a detene Glas, a hink’e den un avion pa Guayaquil, e ciudada mas grandi di Ecuador. 

KIBRA RELACION DIPLOMATICO

Mexico mientrastanto a kibra relacion diplomatico cu Ecuador despues di e invasion menciona.