Klotzbach: Cantidad mas halto di horcan pronostica desde 1995 pa e temporada aki

COLORADO – Un temporada extremadamente halto di horcan a keda pronostica diahuebs pa expertonan di tempo di Colorado State University. De hecho, e pronostico ta inclui e cantidad mas grandi di horcan pronostica desde cu e ekipo aki a cuminsa pronostica horcan na 1995. Esaki ta inclui e conocido experto   Phil Klotzbach, aunke e tin su cierto dudanan cu e lo por ta asina ocupa. “Nos tin un pronostico hopi agresivo: 23 tormenta cu nomber, 11 horcan di cual 5 hopi grandi” Klotzbach a bisa. Tur hende tabata warda e pronostico aki di Klotzbach ya cu e ta considera aworaki como esun di mas experiencia riba e tereno aki.