Temblor leve na New Jersey a pone basta hende spanta si

NEW JERSEY – Den e estado Mericano New Jersey, un temblor di forza 4.8 a sacudi e area mas cu 20 seconde, suficiente pa crea panico te na New York, e estado bisiña. Mientras cu ta considera esaki uno ‘chikito’, e la wordo sinti te na Philadelphia, Baltimore y Washington y hasta den e reunion di Nacionan Uni na New York. E temblor tabata casi 10’or y mei ora di New York. No tabatin raportahe di daño ni morto ainda. Ta hopi inusual pa tin temblor e parti ey di Merca.