Educador y enfermera naci na Aruba, reconoci cu doctorado honorario na Merca

BOSTON – Dorothea Robinson, un ciudadano cu a nace na San Nicolas na Aruba, a keda honra recientemente cu e doctorado honorario di Andrews University como reconocemento pa yuda hende hoben y prepara nan pa bida den nan comunidad. Semper e la soña di bira un enfermera y a logra haya su diploma na 1962 na Merca.  E la sigui educa su mes y a bira un instructor tambe pa entrena enfermeronan. Na 1967 e la casa cu dr Byron Robinson, un ciruhano y fundador di Byron Robinson Educational Foundation, Inc.  Hunto nan tin dos yiu y dos nieto y ambos ta traha awe pa nan fundacion. Na 2006 e la ricibi reconocemento caba di e ciudad di Boston. Na 2007 e la ricibi un otro reconocemento di Northern Caribbean University y e ta recipiente di e  Inter-American Division Award for Education and Youth Development. Un otro persona di Aruba cu logronan grandi internacionalmente.