Meteorologo Coffie: Aruba por ripara algo chikito di e eclipse solar, pero Corsou nada

WILLEMSTAD – Di akuerdo ku meteorologo Coffie, e sombra total di e eklipse solar lo kubri for di Polinesia sigui pa Tahiti te na Aruba por ripara un tiki di su sombra. Pues Aruba por keda afektá levemente. E ekstremo leve ta region di e península di Paraguana ku ta sùit di Aruba.  Tur loke ku ta mas pariba manera Kòrsou i Boneiru lo no bai ripara nada.

Asina e sombra ta keda oumentá na e parti di Sentro Amérika ku lo bira kuater biaha mas tantu di e sombra di e península ku ta sùitwèst di Aruba.

Djaluna 8 di aprel e eklipse solar total lo krusa Nort Amérika, pasando Pa Mèksiko, Estádos Unídos i Kánada. E eklipse solar total lo kuminsá riba E Oséano Pasífiko Sur. Si e wer permití, e promé lokashon den Norte Amérika kontinental ku lo eksperimentá e totalidat ta e kosta di Pasífiko di México rondó di 11:07 mainta nan ora. E ruta di eklipse solar ta sigui for di México, drenta Merka na Texas i sigui pa Oklahoma, Arkansas, Missouri, Illinois, Kentucky, Indiana, Ohio, Pennsylvania, New York, Vermont, New Hampshire i Maine. Partinan chikitu di Tennessee i Michigan tambe lo eksperensiá e eklipse solar total. E eklipse lo drenta Canada den sur di Ontario i lo sigui pa Quebec, New Brunswick, Prins Edward Island i Cape Breton. E eklipse lo sali for di Norte Amérika kontinental na E kosta atlántiko di Newfoundland, Canada, na 5:16 atardi. NOTA: E texto ta scirbi den Papiamento fonetico di Corsou.