- Hospital Horacio Oduber tambe a participa na simulacro pa Tsunami awe
- Corsou ta den gara total di eleccion pa diabierna!
- Hospitalnan na Hulanda ta anuncia welga nacional
- Kirsty Coventry eligi como presidente nobo di Comite Olimpico Internacional
- Gobernador Boekhoudt a ricibi Consul General a.i. di Merca
Durante Routes Americas 2024, Aruba Airport a honra JetBlue, British Airways y Wingo
ORANJESTAD- Orguyosamente Aeropuerto di Aruba ta participa den e di 17 edicion di e conferencia Routes Americas 2024. Ta trata aki di un oportunidad esencial pa topa e industria di aviacion di henter e continente Americano. E evento a tuma luga for di 19 pa 22 di maart na Bogota, Colombia. E conferencia a reuni diferente stakeholder clave di henter e region di America, fomentando conexion y colaboracion di gran balor.
Algo cu sigur a destaca pa Aeropuerto di Aruba e aña aki ta e echo cu Aruba Tourism Authority (A.T.A.) a uni na e evento, marcando un echo historico pa aeropuerto su di 28 biaha atendiendo Routes Conferences. E colaboracion cu A.T.A. a permiti un representacion integral pa Aruba, brindando e aerolineanan asocia un vision amplio di e ofertanan di Aruba, e esfuersonan realisa pa e ruta y e potencial na momento cu explora asociacion y ruta nobo.
“Door di incorpora e experiencia y conocemento di e ekipo di Aeropuerto di Aruba y di ATA bou e mesun dak den un stand strategicamente bon ubica tabata un bon strategia”, asina Barbara Brown, Chief Revenue Development & Communications Officer na Aeropuerto di Aruba, a duna di conoce. “E esfuerso conhunto a duna nos e oportunidad pa brinda nos aerolineanan asocia un spectrum completo di informacion, for di e instalacionnan y desaroyo di aeropuerto te cu e inventario di camber di hotel y e esfuersonan di mercadeo, facilitando p’asina nan por tuma decision a base di informacion”.
“Nos colaboracion durante Routes Americas 2024 a demostra e compromiso firme di Aruba pa genera un coordinacion y traha sin problema pa un futuro strategia pa nos destinacion. Cu un vision y experiencia comparti, nos a eleva e imagen di Aruba, garantisando cu nos mercadonan ta bon conecta y ofreciendo e facilidad di biahe desea pa nos clientenan”, asina Sanju Luidens, Chief Marketing Officer na Aruba Tourism Authority, a expresa.
Aeropuerto di Aruba y Aruba Tourism Authority a presenta cu masha orguyo e stand na Routes Americas 2024, di e manera aki marcando e prome bes den e di 28 Routes Conference desde e añanan 90, cu un colaboracion di e tipo aki a tuma luga den e conferencia. E stand aki a fungi como un centro di informacion, demostrando e beyesa incomparabel di Aruba, e diferente atraccionnan y un experiencia perfecto di biahe.
E delegacion di Aruba na Routes Americas 2024, representando Aeropuerto di Aruba, tabata encabesa pa Barbara Brown, conhuntamente cu Jo-Anne Meaux-Arends, Aviation Business Development Executive y Mary Joan Wardlaw, Customer Relationship Officer. E team di ATA tabata forma pa Sanju Luidens, Chief Marketing Officer, Sjeidy Feliciano, Area Director North America y Jordan Schlipken-Croes, Area Director Latin America. Hunto nan a añadi nan experiencia di mercadeo di destinacion na e colaboracion.
Durante e conferencia, e delegacion di Aruba a participa den mas cu 22 reunion productivo cu e aerolineanan estableci y emergente, como tambe cu varios diferente aeropuerto clave manera Guarulhos Airport y Rhode Island Airport Corporation. E reunionnan a inicia e formacion di asociacionnan nobo y interesante cu e lidernan di e industria, incluyendo GOL, Flair Airlines, Breeze, Alaska Airlines y JetSMART.
“E compromiso di Aeropuerto di Aruba pa fomenta asociacionnan significativo a keda reenforsa danki na e reconocemento special otorga na e aerolineanan asocia”, asina Jo-Anne Meaux-Arends, Aviation Business Development Executive di AAA, a expresa. A honra JetBlue, British Airways y Wingo debi na nan contribucionnan excepcional na e conexion aereo y na e experiencia di e pasaheronan di Aruba”.
A celebra JetBlue mirando cu nan a logra e participacion mas grandi den mercado (20%), cu aumento notabel den e capacidad di asiento di Boston (10%) y JFK (5%). Wingo, reconoci como e aerolinea cu mas lihe a crece den America Latino, a demostra un crecemento notabel den pasahero cu ta genera ingreso y capacidad di asiento pa Aruba. British Airways a ricibi un reconocimento special como celebracion di nan prome aña operando e ruta di London Gatwick - Aruba, mehorando e conexion entre ambos destinacion.
E participacion di Aeropuerto di Aruba y Aruba Tourism Authority na Routes Americas 2024 ta subraya e compromiso pa impulsa crecemento como tambe e exito di e sector di aviacion di Aruba, fortaleciendo e posicion di Aruba como destinacion principal den America.
Banco Central a reduci e reserva obligatorio pa banconan comercial
ORANJESTAD - Entrante 1 di februari 2025, Banco Central di Aruba (CBA) a reduci e tasa di reserva obligatorio di 14,5% pa 13,5%. E decision monetario aki ta baha e balansanan minimo cu banconan comercial local mester tene na CBA, aumentando asina e fondonan disponibel pa prestamo y pa inversion.
Aeropuerto mes, sin ayudo di RSG, ta buscando un CEO nobo
ORANJESTAD – Aeropuerto di Aruba a cuminsa oficialmente cu su buskeda pa un CEO nobo, despues cu for di aña pasa juli, e ta oficialmente sin CEO na cabez despues cu e ultimo CEO, Joost Meijs a opta pa bandona Aruba prome cu su tempo. For di e tempo ey, tres arubiano, Jurgen Benschop, Barbara Brown y Aisha Anthony ta na cabez como un management team. Pero segun minister demisionario di turismo, responsabel pa aeropuerto Dangui Oduber a confirma pa noticiacla cu e buskeda a cuminsa, mirando cu mester haci algo. Loke ta hala atencion ta cu ta Aruba mes a cuminsa cu e buskeda, y no Royal Schiphol Group, cu ta esun cu segun contract, mester a presenta un CEO nobo. No ta conoci pakico no a busca un CEO mesora despues cu Meijs a bandona Aruba.
Mini Mega y Mega Plus lo hunga awe 17 di maart
Schlipken: Na 2024 Aruba a ricibi mas di 60 mil turista for di Colombia
BOGOTA - Na 2024, Aruba a ricibi casi 65.000 turista Colombiano, consolidando su posicion como un mercado clave den e region. Asina Jordan Schlipken, director di Aruba Tourism Authority for Latin America, bisa recientemente, den un entrevista na un portal colombiano (portafolio.co) destacando e crecemento di turismo Colombiano riba e isla.
Aeroliña Avelo kier añadi Aruba riba su lista di ruta pa Caribe
MIAMI – E aeroliña mericano Avelo ta purbando di inicia buelonan pa Aruba. E prome servicio di transporte di pasahero di Avelo tabata na april 2021. Den e cuater añanan siguiente, su flota a crece te na 20 avion, aunke esey ta un cantidad modesto ainda. E tin 12 Boeing 737-800 di 189 asiento i ocho 737-700 di 149 asiento. Cu un edad promedio di 16.8 aña, nan ta menos eficiente den uso di kombustibel i mas pisá den mantenshon ku alternativanan mas nobo pero muchu mas barata pa atkerí, loke ta nifiká ku nan no mester wòrdu usá mes frekuente.
Benschop: Ta spera di tin e terminal nobo (US departures) di aeropuerto, operacional na mei
ORANJESTAD – Si tur cos bay segun plan, pa mei proximo, ta habri e terminal pa pasaheronan biahando pa Merca, na aeropuerto Reina Beatrix. Trabounan ta avansando na e terminal y recientemente un di e gerentenan, Jurgen Benschop a splica cu dentro di poco lo ‘welcome’ e pasaheronan den e terminal di check-in.
Follow NoticiaCla
