- Director di ATIA ta invitado den Noticiacla LIVE awe nochi
- Confirma: No tin container di klapchi for di China pa Aruba e aña aki!
- AHATA ta duna sosten na Enseñansa pa Empleo pa yuda fortalece nos forsa laboral
- BCA: Casi 60% di negoshi encuesta ta anticipa un crecemento economico positivo den e siguiente 12 lunanan
- IAPA ta rechaza censura di cobertura di prensa na Aruba
A.T.A. a selecta e ganadornan di e Aruba Signature Experience # 3
ORANJESTAD - E siman aki oficina di turismo di Aruba a anuncia e 5 ganadornan di e prome session di e progama Aruba Signature Experience pa 2024. Na aña 2021, Aruba Tourism Authority (A.T.A.) y Qredits Aruba a introduci e programa “Aruba Signature Experiences” cu e meta pa encurasha entrepreneurnan pa enfoca riba experiencia unico y inolvidabel pa nos bishitantenan.
E programa “Aruba Signature Experiences” ta consisti di dos (2) componente clave. Participante nan ta cuminsa cu e curso “Small Business Academy” di Qredits Aruba, caminda ta adkiri abilidad y conosemento pa desaroya nan Business Plan y Financial plan pa e negoshi proponi. Abase di e negoshi y concepto nan cu ta wordo entrega na fin di e curso, un commission ta evalua e concepto nan cu ta den linea cu e strategia di Niche Marketing di A.T.A. pa yega na remarke pa ta un di e ganadornan di e “Aruba Signature Experiences” program y ricibi marketing coaching y marketing support di A.T.A.
Pa diversifica e mercado turistico pa Aruba, a identifica various segmento niche cu lo atrae mas bishitante di calidad, genera mas entrada pa nos isla y na mes momento tin un impacto mas positivo ariba nos medio ambiente. E segmento niche nan identifica pa Aruba ta inclui weddings, culinary, wellness, y eco-conscious tourism. Cu esaki te desea di mantene Aruba como un destinacion competitivo y atractivo, mientras ta promove un turismo sostenibel.
Un total di 20 participante a sigui e curso di Qredits Aruba “Small Business Academy” como e parti esencial di e trayectoria. Sigui pa entregamento di un “Business plan” y “Financial plan” na Qredits Aruba. Como experto den e area di finanzas y e sector empresarial, Qredits Aruba a propone e lista final di e miho candidatonan pa “Aruba Signature Experiences”. A conta cu participantenan cu plan y ideanan nobo como tambe plan y ideanan ya estableci. Na final, a conta cu 5 participante cu a wordo nombra como ganadornan di e “Aruba Signature Experiences” y cu lo ricibi apoyo di A.T.A. pa cu nan plan di mercadeo.
A.T.A. ta contento di anuncia e siguiente ganardonan cu ta bira tambe mas pioneronan di “Aruba Signature Experiences”; Jamie Bareño cu a presenta un plan pa JB Spiritual Academy cu e servicio di preparashon y ceremonia di casamento spiritual dirigi na e mercado afluente, LGBTQ y Neurodivergent. NATURA Yoga Club & Personal Fitness Training Janine Valecillos Digier a presenta un plan cu ta ofrece servicionan relata na bienestar, Milouska Briezen cu a presenta un plan pa crea un plataforma cu lo facilita e bishitante den crea intinerario personalisa pa experiencianan unico cu Aruba tin pa ofrece, AruFlamingo Art di Boris Wever cu a presenta un plan caminda cu e bishitante por crea su propio souvenir y creacion di diferente arte cu ta inclui uso di material recicla, y por ultimo Museo Cas Tan Tin cu ta wordo patrocina pa Fundacion Mi Cutisa, cu ta promove cultura y herencia caminda cu bishitante nan por experiencia e bida tradicional di antes na Aruba.
Inscripcion pa e siguiente programa di “Aruba Signature Experiences” lo ta disponibel durante cuartal 3 di 2024. Di e forma aki, Aruba Tourism Authority (A.T.A.) y Qredits Aruba ta encurasha empresarionan pa participa, y ta felicita e ganadornan di e di tres edicion di “Aruba Signature Experiences” program. Desde lanzamento di e programa na aña 2021, pa medio di e “Aruba Signature Experiences” a yuda 11 compania cu nan concepto.
Director di ATIA ta invitado den Noticiacla LIVE awe nochi
ORANJESTAD – E director di Aruba Trade and Industry Association (ATIA) Herrick Henriquez ta invitado den e programa Noticiacla LIVE diahuebs anochi 9’or. Temanan lo ta varia y sigur interesante cu bo lo no kier perde. Bo ta cordialmente invita pa wak e programa via e plataformanan di Noticiacla, cu ta e Facebook page, e website (www.noticiacla.com), y e app (pa e ultimo dosnan, busca e botton LIVE).
Confirma: No tin container di klapchi for di China pa Aruba e aña aki!
ORANJESTAD – Ta confirma aworaki cu e aña aki Aruba lo no ricibi container di klapchi for di China.. Esaki kier men cu e cantidad solicita di entre 16 pa 18 container, no ta bin Aruba mas tampoco. A compronde cu e importadornan awor lo ta buscando alternativa di busca klapchi otro klapchi den nos region aki banda mes.
AHATA ta duna sosten na Enseñansa pa Empleo pa yuda fortalece nos forsa laboral
ORANJESTAD - AHATA ta sigui cu varios iniciativa pa fortalece nos forsa laboral local pa medio di sosten na enseñansa y formacion profesional; nan colaboracion cu Enseñansa pa Empleo (EPE) ta un aspecto importante di e esfuersonan aki. EPE ta den e proceso pa modernisa nan exitoso curso di waiter, y AHATA a contribui cu un donacion di material esencial.
Anuncio pa esnan interesa pa traha na urnanan electoral
Personal di cuido cu tin contacto directo cu patient por pasa busca nan vacuna di Influenza y/of COVID
ORANJESTAD - Departamento di Salud Publico ta informa cu den e siman di 14 te cu 18 oktober 2024, Seccion di Malesanan Infeccioso di DVG ta warda tur personal cu ta duna cuido directo na patient, pa pasa busca nan vacuna di Influenza y/of COVID na seccion di Malesanan Infeccioso (DBZ) situa na Avicenastraat #1 (patras di edificio di DVG) for di 8.00 -11:45 di mainta y atardi for di 1:15 pa 4:00. Pa por ricibi e vacuna di Influenza y/of COVID ta rekeri pa e dunador di cuido presenta cu su carchi di AZV.
RAPP: Detencion di reportero a limita derecho di periodista pa colecta noticia liber
ORANJESTAD - E detencion di un reportero diamars ultimo a limita e derecho di e periodista di colecta noticia liber, un derecho cu ta hancra den nos constitucion y tratadonan internacional (Artikel 10 EVRM). Asina e Red Arubiano di Prensa Profesional (RAPP) a comenta un dia despues di e detencion. “Door di no a opta pa un acercamento menos drastico ta haci e detencion desproporcional pa motibo cu a limita e derecho di colecta noticia liber mas cu tabata necesario, algo cu nos como asociacion ta desaproba pasobra e ta mina libertad di prensa” e asosac ion ta bisa.
Follow NoticiaCla
