- Croes: Salario minimo ta surpasa 2000 florin pa luna na januari 2025
- Papa Francisco ta kere cu Trump i Harris “ tur dos ta contra bida”
- Polis ta adverti pa 'postnan' violento y sexual riba Instagram
- Aruba a conoce un otro miyonario cu Lotto!
- Ainda e ganador di premio miyonario di Lotto di juli 2024 di AFL 1.650.000 no a cobra su premio!
Epidemioplogo ta confirma: Te ainda den aña 2024 tres persona a fayece di dengue na Corsou
WILLEMSTAD - Na Kòrsou tres persona ku dengue a fayesé e aña aki. Fuera di esaki, aktualmente tin mas o ménos binti persona interná den CMC. E víktimanan mortal no ta hende grandi. Segun e departamento di epidemiologia, ta trata di hendenan den nan trinta i kuarenta aña.
Den total, den e último lunanan, mas ku 100 persona a ser interná den hospital ku dengue. E kantidat di tres morto ta relativamente haltu si wak riba e kantidat di kasonan di dengue registrá. Un posibel kousa pa esaki ta ku hendenan ku síntoma solamente ta tèst pa covid-19 i no ta laga nan investigá pa dengue si nan ta sinti nan mes malu.
E síntomanan di covid i dengue, manera tambe di zika i chikungunya ta pareu: doló di kabes i keintura, kaminda pa e último vírusnan tambe ta konta doló den skarnirnan.
Ademas, den nos pais hopi habitante tin problema di obestitas i diabétis. Sin enfatisá riba e víktimanan mortal, epidemiólogo Yaskara Halabi ta bisa ku “hende ku otro malesa ta mas suseptibel pa konsekuensianan severo di un infekshon di dengue”. Banda di esaki tambe turista na e isla ta keda afektá, ya a detektá binti bishitante ku resultado positivo.
Kòrsou aktualmente ta enkontrá, manera e islanan den su alrededor den Karibe i diferente pais den Suramérika, ku un brote di dengue. Tambe a reportá zika i chikungunya. E último biaha ku Kòrsou tabata den kontrol di un brote asina tabata den 2010 i 2011.
Ministerio di Salubridat, Medio Ambiente i Naturalesa ta konsiderá importante pa tur hende aktuá huntu kontra e lugánan unda muskitanan por kria ku ta ekipá pa plama e vírus. Ministerio ta konsehá habitante i bishitante tuma medida preventivo. “Pasobra sin eliminashon di lugánan unda muskitanan por kria, e fumigashon di barionan lo tin poko efekto.”
Dia 15 di mart departamento UO G&GZ di GMN a indiká ku den e delaster simannan di 2023 a konfirmá algun kaso di dengue i durante yanüari e kasonan a sigui oumentá. Dia 14 di mart e departamento a informá minister ku e kasonan a oumentá supstansialmente. NOTA: Texto scirbi den Papiamento fonetico di Corsou.
Na Corsou casi 23.500 automobilista no a paga impuesto di vehiculo di motor of a paga esaki parsialmente
WILLEMSTAD - Kasi 23.500 outomobilista no a paga impuesto (“motorrijtuigenbelasting”) òf a paga esaki parsialmente. Esaki por a komprondé for di sifranan ofisial di Ontvanger.
Hospital di Corsou (CMC) ta bai ricibi Nafl. 252 miyon di gobierno den 4 aña
WILLEMSTAD - CMC ta bai risibí un total di 252 mion repartí den kuater aña. Gobièrnu ta informá ku pa garantisá kontinuidat di kuido den CMC i pa protehá salubridat públiko, a inkluí kontribushonnan finansiero adishonal (spesífikamente destiná pa CMC) den e presupuesto nashonal pa 2025 (i pa mas aña) di akuerdo ku e siguiente relato kompañá ku tabèl:
MFK a forma acuerdo di gobernacion cu partnernan nobo KEM y Jesus-Leito
WILLEMSTAD. – Despues ku Partido Movementu Futuro Kòrsou (MFK) resientemente a ekspresá ku nan no tin konfiansa mas den nan partner di koalishon Partido Nashonal di Pueblo (PNP), ayera tabata dje leu ei ku Partido MFK, Partido Kòrsou Esun Mihó (KEM) i e miembro independiente Zita Jesus-Leito, a firma un programa di gobernashon ‘Na kaminda pa rekuperashon i un mihó kalidat di bida pa e siudadano.’ E akuerdo aki a bira realidat despues ku KEM i Jesus-Leito a ekspresá nan apoyo na partido MFK.
Awe ta firma anexo riba programa di gobernashon gabinete Pisas II
WILLEMSTAD - Partidonan MFK, KEM i miembro independiente di parlamento Zita Jesus-Leito ta firma awe 9 sèptèmber (“addendum”) riba e programa di gobernashon di gabinete Pisas II. E akto di firmamentu ta tuma lugá na Curaçao Marriott Beach Resort i ta kuminsá 4 or di atardi. Den e anekso aki ta pone e kondishonnan di KEM i Jesus-Leito pa nan duna nan sosten na e gabinete.
Na Corsou un homber a keda likida despues di a dal dama wanta
WILLEMSTAD – Ayera den oranan di anochi alrededor di 9 or, sentral di polis a haña informashon di un posibel kaso di asesinato ku a tuma lugá den Cocolodeweg Montaña na altura di toko Xing Dai.
Na Corsou, negosacion pa acuerdo di gobernacion ‘nobo’ canando positivo
WILLEMSTAD - Partidonan MFK, KEM i miembro independiente di parlamento Zita Jesus-Leito a reuní djárason 4 sèptèmber riba e anekso (“addendum”) na e akuerdo di gobernashon di gabinete Pisas II. Den e anekso aki ta pone e kondishonnan di KEM i Jesus-Leito pa nan duna nan sosten na e gabinete.
Follow NoticiaCla
