Vrolijk: Reunion di consulta di riba ley matrimonio mesun sexo ta termina na april!

ORANJESTAD – Presidente di Parlamento Edgard Vrolijk a programa e reunion solicita pa fraccion di RAIZ, pasobra e la wordo notifica pa parlamentario Guedez Erasmus, cu pa luna di april 2024, e reunionan di consulta riba e concepto di ley di matrimonio di mesun sexo ta termina. Asina e la informa Noticiacla.com diaranson anochi y a mustra e carta den cual e ta informa e fraccion RAIZ. 

WARDA E REUNION

Den e carta pa RAIZ, Vrolijk ta splica e proceso, unda cu e ta confirma cu e tabata wardando e reunionan di consulta termina. Awor cu e la compronde di e parlamentario Guedez e un que otro, e la dicidi di programa e reunion enberdad, pa dia 8 di mei proximo. “Procedura di Parlamento ta ser sigui, y a base cu e maatschappelijke consultative rondes ta keda cla april, a fiha un fecha pa e reunion” Vrolijk a finalisa bisando noticiacla.com. 

RAIZ

Raiz algun rato prome, manera cu e portal aki a publica caba, a anuncia e fecha tambe, cu e reunion ta tuma lugar. No ta conoci si e conferencia di prensa di diahuebs mainta ta continua, y cu si e continua, cu lo simplemente informa di e fecha y e proceso cu a yega na dje.