Wardacosta lo controla botonan riba lama durante Semana

Posted on 03/27/2024 3:32 pm AST | Updated on 03/27/2024 3:33 pm AST

ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.

Importante tambe pa informa famia unda bo ta bai cu bo boto, pa na momento cu un situacion peligroso presenta, famia sa unda bo ta i asina por informa Wardacosta debidamente. Ta bon pa botonan tin un lifering y importante pa botonan tin nan anker ku suficiente cabuya a bordo.

Wardacosta lo tey presente cu diferente di su botonan nan durante Semana Santa riba lama pa por hasi e parti di vigilancia y brinda seguridat maritimo. Vigilancia riba cuido di naturalesa tambe ta parti di control di Wardacosta. Area nan cual Wardacosta lo vigila ta San Nicolasbaai - Commandeursbaai, Barcadera haven/ lagoen, Spaans Lagoen, High rise Hotel-Arashi-Lighthouse, Rincon, diferente Rif, Baby Beach y Eagle Beach.

Wardacosta ta avisa tur doño di boto pa laga hasi mantencion na nan boto. Zorg pa bo tin sufisiente medionan di seguridat y ekipo di rescate na bordo, manera: zwemvest, EHBO kit, sufisiente awa, aparato pa paga candela, radio VHF of telefon celular ku bateria full carga. Asina por minimalisa e chens cu bo boto ta daña na caminda y cubo haña bo den un situacion peligroso riba lama cu bo boto y bo pasaheronan. Den caso cu bo mester di yudansa, bo por yama Wardacosta riba e number 913 of Whatsapp 005999 510 0913

KPA: Proceso di eleccion 2024 a bay bon pa Cuerpo Policial
MACUARIMA - For di momento cu Gobierno a bira demisionario Cuerpo Policial Aruba a cuminsa cu su plan di maneho adapta como tambe a instala un comision di eleccion pa e temporada cortico pero intensivo aki.
Mas Polis
Lesa Mas
KPA: Liliana Rasmijn ta oficialmente prome vocero policial femenino di Aruba!
MACUARIMA - Altocomisario di Cuerpo Policial Aruba Ramon Arnhem a anunciadiaranson oficialmente cu sra. Liliana Rasmijn ta bira e prome ser femenino cu ta bira Vocero Policial di Cuerpo Policial Aruba. Cuerpo Policial Aruba tin su propio departamento di comunicacion. E ta un departamento cardinal cu e meta pa informa nos comunidad tur locual ta informacion importante di Polis. Tambe ta coordina informacion interno pero tambe publico cu mensahenan preventivo pa asina preveni cu bo lo cay den man di Husticia.
Mas Polis
Lesa Mas
Un biaha mas Zr.Ms. Holland ta interseptá transporte di droga
ORANJESTAD - Zr.Ms. Holland un biaha mas a intercepta un transporte grandi di droga den Laman Caribe. 511 kilo di cocaina tabata e cantidad riba 24 di November último, locual cu a keda publica awe. Na momento di e intercepshon a disparatirunan dirigi riba e motornan di e boto chikito cu droga. Ta e di 7 captura desde yegada di e Barko di Marina den Region Karibense.
Mas Polis
Lesa Mas
Aruba ta registra su di 13 morto di trafico pa 2024
ORANJESTAD - Dialuna mas o menos 11:30 di mainta Central di Polis a wordo notifica di un accidente serio cu a tuma lugar na Santa Cruz na altura di e brug di canashito. Polis y Ambulance ta yega na e sitio cu maximo urgencia. Na e sitio polis a haya dos vehiculo envolví. Ta trata di un Hyundai, Getz color cora cu di un of otro manera a bay den su direccion contrario y a dal frontal den un auto GMC color blanco.Ambulance a haci nan maximo esfuerso pa ayuda e vicitma di e Hyundai pero mucha mas no por a haci. Dr.Voskuil a presenta na e sitio y a constata e di 13 morto den trafico cu ta trata aki di e señora Sandra V.F.F. GROWELL naci na Aruba dia 4 december 1962 di 62 aña di edad.Polis forensico, Slachtofferhulp como tambe Specialista di trafico, hefe di trafico y altocomisario di Polis tabata presente na e sitio. E investigacion ta den man di Departamento di trafico.Cuerpo Policial Aruba ta manda un palabra di condolencia na e famia di fayecido y hopi forsa. Un mensahe na tur nos automobilistanan ta pa sigui reglanan y ley di trafico. No maneha bou influencia como tambe No celular na man!
Mas Polis
Lesa Mas
Wardacosta a rescata Canades cu a haya problema cu su barco velero
ORANJESTAD - Durante weekend, Wardacosta di Caribe Hulandes a logra di rescata un hende homber di nacionalidad Canades na momento cu su barco velero a haye den dificultad. E notificacion inicial a bin di un avion Americano cu a mira e barco durante di nan patruya.
Mas Polis
Lesa Mas
Despues di un persecucion, polis a detene chauffeur di hit & run di accidente fatal
ORANJESTAD - Diadomingo mainta un poco prome cu 12’or polis a detene e chauffeur di e accidente fatal na Pos Chiquito cu a sosode dialuna anochi 2 december. Ta trata di e homber S.R.J.T. naci na Aruba di 24 aña. Polis di trafico ta sigura cu nan a traha incansablemente pa resolve e caso di e hit&run.
Mas Polis
Lesa Mas