Afpakteam a haci control na aeropuerto priva tambe

Afpakteam a haci control na aeropuerto priva tambe

Posted on 03/26/2024 3:05 pm AST | Updated on 03/26/2024 3:09 pm AST

ORANJESTAD - Siman pasa tabatin varios control na aeropuerto priva. E controlnan integral aki tabata den man di Afpakteam, Interpol y UMM (Unit Mensensmokkel en Mensenhandel) y a tuma lugar den cooperacion estrecho cu AAA (Aruba Airport Authority).

Angeline Flemming, director di Health, Safety and Sustainability di AAA, a bisa: “E accionnan aki ta subraya e obhetivo di AAA pa promove operacionnan safe na aeropuerto. E cooperacion cu organismonan local y internacional encarga di mantene ley tabata excelente y e esfuerzonan conhunto tabatin un impacto grandi. E frecuencia lo aumenta den e lunanan venidero". 

Afpakteam ta un asociacion entre varios partner di investigacion, entre otro Ministerio Publico, Polis, Aduanas, Unidad di Inteligencia Financiero (UIF), Marechaussee (KMar) y Guardia Costa.

Afpakteam a lanta na 2017 cu e obhetivo di combati delincuencia financiero subversivo na un manera mas eficiente, particularmente via prevencion y deteccion di actividadnan di labamento di placa y di kitamento di activonan obteni via crimen. E bienes cu a wordo kita ta bay den un fondo special di Aruba, cu ta sirbi pa lucha contra crimen. 

Tur e partnernan a indica cu lo hiba mas control integral den futuro. 

Pa tips y señalnan (di labamento di placa) puede comunica cu Afpakteam via tiplijn (11141).NOTA: E potret cu ta compaña e articulo aki ta uno di archivo di noticiacla y ta sirbi solamente como ilustracin y no ta implica necesariamente e avion of e persona den e storia aki.l 

  • Wardacosta ta controla boto local y ta haya droga abordo

    Wardacosta ta controla boto local y ta haya droga abordo

    ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba. 

  • Marco Tromp (80) a bira e di 3 morto di trafico di 2024

    Marco Tromp (80) a bira e di 3 morto di trafico di 2024

    ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y   cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.

  • Warda Costa a evacua pasahero malo di barco crucero y trece Aruba

    Warda Costa a evacua pasahero malo di barco crucero y trece Aruba

    ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.

  • Wardacosta lo controla botonan riba lama durante Semana

    Wardacosta lo controla botonan riba lama durante Semana

    ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso. 

  • Warda Costa a intercepa boto cu 9 indocumentado Venezolano yegando Aruba

    Warda Costa a intercepa boto cu 9 indocumentado Venezolano yegando Aruba

    ORANJESTAD - Diabierna anochi, radarnan a detecta movecion di un boto sospechoso  den direccion di Aruba. A pidi e avion DASH di  Wardacosta pa asisti pa verifica e contacto. Den ora nan di marduga di diasabra, 2 Metal Shark a sali pa asina topa cu un boto tipo 'Yola' cu un total di 9 persona indocumenta cu nacionalidad Venezolano abordo.  Prome cu unidad nan a yega, persona nan riba e boto a logra di benta bultonan den awa, pero unidad nan di Wardacosta cu asistencia di e helicopter a recupera nan. Ta trata di mas o menos 850 kilo di cocaina i marihuana, cu a wordo confisca. 

  • Polis a detene persona relaciona pa droga y confisca diferente droga

    Polis a detene persona relaciona pa droga y confisca diferente droga

    ORANJESTAD - Diasabra durante dia e team di Narcotica a hasi diferente entrada hudicial y tambe detencion. E team Narcotica ta trahando incansablemente pa combati e bendemento di droga diariamente. Ayera a detene e homber F.  di 32 aña na ex United Dinner pa bendemento di droga. A confisca diferente droga entrenan cocaina, cocaina base, marihuana y tambe a haya municion.  Tambe a haci entrada hudicial na Panamastraat. Eynan Team Narcotica a confisca cocaina y marihuana.  Durante e accion di Team Narcotica a forma parti, e team di Aresto , Flex Team y Unidad di K-9. NOTA: E potret ta di archivo di noticiacla.com y no ta necesariamente uno actual durante e caso relata cu e articulo en cuestion.

  • Powered by SETAR