- Director di ATIA ta invitado den Noticiacla LIVE awe nochi
- Confirma: No tin container di klapchi for di China pa Aruba e aña aki!
- AHATA ta duna sosten na Enseñansa pa Empleo pa yuda fortalece nos forsa laboral
- BCA: Casi 60% di negoshi encuesta ta anticipa un crecemento economico positivo den e siguiente 12 lunanan
- IAPA ta rechaza censura di cobertura di prensa na Aruba
Minister Thijsen: Aruba kier ta mas visible na Hulanda riba tema di structura estatal
DEN HAAG –Minister Plenipotenciario mr. Ady Thijsen y esposa a tene un recepcion pa celebra Dia di Himno y Bandera na Hulanda. Desde 2015 Arubahuis ta tene un recepcion pa invitadonan for di e mundo politico, embahadornan, functionarionan halto di Estado of di ministerionan cu lasonan estrecho cu Aruba. Tambe miembronan prominente for di e comunidad Arubiano na Hulanda y representantenan commercial y di institutonan di enseñansa tanto riba nivel di HBO como Universidad.
Entre e huespednan tabata burgemeester di Den Haag Jan van Zanen, ex-burgemeester di Venray Leontien Kompier y miembro di Eerste Kamer Tekke Panman. For di e cuerpo diplomatico tabata presente entre otro embahadornan di Alemania, Uruguay, Norwega, Dinamarca y representante di embahada di Cuba, Colombia, Costa Rica, Peru, Chili, Panama y Italia.
E programa oficial a cuminsa cu canto di nos himno Aruba Dushi Tera pa e cantante y e participante di The Voice of Holland. Minister Plenipotenciario mr. Ady Thijsen a cuminsa na bisa cu e ta hopi contento cu hopi hende a acepta e invitacion pa celebra nos Dia Nacional. ‘Un dia cu nos ta orguyoso dje y ta un dia pa wak bek y mira padilanti. Aruba semper a hunga un rol importante riba e tema di structura estatal y lo kier tuma e rol aki bek door di ta mas visibel na Hulanda. No rond di Binnenhof so, pero tambe na nivel di municipio y provincianan. Esaki tambe ta conta pa Union Europeo. Esaki a resulta den un vision cu ta concentra riba un cantidad di pilarnan. Esaki ta implica bon relacion cu Gobierno Central, Eerste y Tweede Kamer y e ministerionan. E otro pilar ta e municipionan y provincianan; mescos cu ta e caso cu Hogeschoolnan y Universidad. Contacto cu e embahadanan tambe ta forma parti di e vision aki. Importante ta pa fortifica nos relacion cu Union Europeo,’asina Minister Thijsen a bisa.
E mandatario siguientemente a elabora riba e plannan y proyectonan pa aña 2024, cuminsando na menciona cu durante di e OCT-EU Forum na Bruselas na February ultimo Aruba a keda elegi como presidente di e conferencia ministerial di OCTA y lo organisa e conferencia ministerial otro aña na Aruba. Tambe cu Aruba na mesun momento ta carga e presidencia di e executive committee di OCTA. Minister Thijsen: ‘Na Bruselas nos Prome Minister Evelyn Wever-Croes a firma un acuerdo di 15 miyon euro pa e miembronan di OCTA, mientras cu Minister di Asuntonan Economico Geoffrey Wever a firma un acuerdo di 14.2 miyon euro pa digitalisacion di e aparato gubernamental di Aruba.’
PVV: ‘Detencion di Glenbert di Croes ta resalta corupcion generalisa den parti Caribense di Reino
DEN HAAG – Partido pa Libertad (PVV), e partido politico mas grandi di Hulanda, ta pretende cu e detencion recien di Minister Arubiano Glenbert Croes ta revela e “gebreide corupcion” y violacionnan di integridad den e parti Caribense di Reino. Parlamentario di PVV Peter van Haasen a expresa e punto di bista aki awe, declarando cu Hulanda repetidamente ta wordo confronta cu e realidad di corupcion riba e islanan Caribense.
Dama di Aruba encarga cu presentacion pa club di futbol Hulandes ADO Den Haag
DEN HAAG – Na Hulanda recientemente e dama Arubiano Maricarmen S Bikker a duna un presentacion den e sala di prensa di e club profesional di futbol ADO Den Haag na Hulanda
Secretario Szabó kier mas tempo pa reacciona riba corupcion na Aruba, Corsou y St Maarten
DEN HAAG – Secretario di Estado pa Relacionnan di Reino, Zsolt Szabó, a pospone su contesta riba preguntanan parlamentario cu ta regarda instabilidad politico y corupcion na Aruba, Curaçao, y Sint Maarten. E retraso ta surgi for di e petishon di Szabó pa detayenan adicional tocante e aktividadnan di Transparency International, un organisashon mundial di vigilansia di integridad, den e teritorionan Karibense di Reino Hulandes.
Minister Hulandes Faber kier studia rapport di Amnestia riba Aruba prome cu duna reaccion
DEN HAAG – Como contesta riba e rapport recien di Amnesty International, ‘Aruba: Regla pero No Proteccion – revelando brechanan den proteccion di refugiado di Venezolanonan na Aruba’, cu ta expresa preocupacion riba e politica di asilo riba e isla y supuesto violacionnan di derechonan humano, Minister Marjolein Faber a indica cu Hulanda a tuma nota di e publicacion, pero ainda no por duna comentario riba e contenido di e constatacionnan.
Fundacion Movemiento ta Bida a gana un ‘Appeltje van Oranje’
DEN HAAG - E iniciativa Arubano Fundacion Movemiento ta Bida ta un di e tres ganadonan di e Appeltjes van Oranje 2024. Esaki a anuncia durante entrega di e premionan Oranje Fonds na Paleis Noordeinde. Diahuebs atardi, 3 di october Reina Máxima, den presencia di Rey Willem-Alexander y Prinses Beatrix, a presenta e Appeltjes na organisacionnan cu ta comprometi pa reduci soledad. Tur aña, Oranje Fonds ta otorga tres iniciativa social cu ta aporta na personanan den nos sociedad. E ta e di 22 edicion di e Appeltjes.
Parlamentario Hulandes ta puntra secretario Szabó riba rapport di Amnesty contra Aruba
WILLEMSTAD - Parlamentario hulandes Raoul White (GroenLinks-PvdA) dia 2 di òktober a manda pregunta na sekretario di estado di Relashonnan di Reino, Zsolt Szabó, tokante situashon na Aruba. White a komprondé for di rapòrt di Amnesty Internatiol ‘Rules but No Protection’ ku Aruba ta deportá refugiado fo’i Venezuela bek na nan pais riba base regular. Segun e organisashon Hulanda tambe ta finansiá e deportashon.
Follow NoticiaCla
