Hefe di Boeing ta anuncia su retiro mei mei di crisis di e compania

PITTSBURG - E candidato presidencial democratico Kamala Harris ta wordo considera como e ganado di e debate entre e y e republicano Donald Trump. E actual Vice Presidente di Merca tambe ta parce di a haci ganashi den con e votador Mericano ta pensa di dje, aunke e resultadonan ta trempan ainda y e diferencianan no ta grandi.

NEW YORK - Presidente Biden, Vice Presidente Kamala Harris, ex  Presidente Trump y Senador di Ohio JD Vance a presenta hunto    huntu cu Senador di New York Chuck Schumer, Gobernador di New York Kathy Hochul y Sekretario di Seguridat Nashonal Alejandro Mayorkas pa e ceremonia pa recorda e atentado terorista di 11 di September 2001 ora cu avionan a dal den e torenan na New York. E acto tabata interesante mirando cu apenas un dia prome, Harris y Trump a bay contra otro den un debate presidencial y cu tin tension fuerte entre e candidatonan. Pues e foto ta uno interesante di un momento di union bou di circumstancianan special.  A tene momentonan di silencio durante e momentonan den cual e avionnan a dal e Twin Towers y lo lesa nombernan di cada un di e victimanan.

MEXICO CITY - Cientos di manifestante Mexicano a invadi Senado di e capital durante un debate fuerte riba reformanan hudicial controversial. Despues e presidente a dicidi di termina e reunion, cu consecuencia cu no a vota riba e proposicion.

DEN HAAG – E caida repentino di gobierno na Aruba dialuna mainta a haya atencion internacional. Primordialmente prensa Hulandes tabatin hopi interes pa e suceso aki, y esey no ta un sorpresa pero tambe den region di Caribe y mas leu cu Hulanda. Noticiacla a nota por lo menos 5 pa 6 medio grandi a raporta esaki, di cual mayoria a usa como cabez, cu e gobierno a cay pa pleitamento pa posicion di un presidente di parlamento nobo. Entre e medionan, tabatin Nu.nl, Trouw, Curacao.nu, Antiliaans Dagblad, y Upday (Alemania). Tur a dune nan toke personal, pero e mayoria tabata usa e palabra ‘pleito’ entre e dos partnernan di coalicion. 

CAPE CANAVERAL – Un mision espacial comercial cu lo culmina den e prome caminata espacial di un civil a cuminsa diamars. E raket cu cuater persona a bordo a lanta vuelo for di e base espacial di Cabo Canaveral na Florida. E vuelo yama Polaris Dawn. A bordo tin e empresario y multimillonario Jared Isaacman (41), kende ta paga pa e mision di e compania espacial SpaceX. Su compañeronan di biahe ta Kidd Poteet (50), Sarah Gillis (30) y Anna Menon (38). Mescos cu Isaacman, e tres otro civilnan abordo no ta astronautanan profeshonal. Medionan di comunicacion Mericano pues ta papia di un mision ‘atrevido’.

MADRID - Lider di oposicion Venezolano Edmundo González a yega Spaña. El a baha hunto cu su casa na un aeropuerto militar den e region di Madrid, e emisora ​​publico Spaño TVE a informa. Diadomingo mainta a anuncia cu González a huy for di Venezuela. El a haya asilo politico na Spaña.