Prinses Britanico Catherine Middelton a informa cu e tin cancer

LONDON – Prinses Britanico Catherine Middleton, casa di principe heredero William tin cancer. Asina e mes a comparti pa medio di un video cu a keda publica diabierna anochi ora di Inglatera. E ta hayando tratamento di kimo pero no ta conoci ki tipo di cancer e tin. Segun e prinses, nan tabata sa for di februari pero tabatin mester di tempo pa por a prepara y conta nan yiunan. A bira conoci tambe cu na februari ora cu Guillermo a diripente bandona un ceremonia, tabata pasobra e la haya sa di e noticia di cancer di su casa.  

OPERACION DI STOMA

Tabata na januari ora cu e prinses tabata 13 dia den hospital despues di un operacion na su barica. Tabatin hopi speculacion riba kico a sosode cune. Anteriormente Palacio Buckingham a desmenti informacion di cancer. E mes, e prinses, tabata pensando cu e no tabata cancer tampoco. Pero ta despues a bin resulta cu tabata cancer ora cu e pruebanan a bin. E cas real a sigura cu ta premira un recuperacion total pa e prinses. A anuncia cu despues di Pasco Grandi, e lo asumi su tareanan bek como prinses.