Bogaerts ta bolbe bati bon y San Diego ta gana e di dos wega na Korea!

SEOUL – Despues di a perde e prome di dos wega na Sur Korea diaranson 5-2, San Diego Padres a bin bek duro diahuebs, batiendo Los Angeles 15-11. Xander Bogaerts tabatin un otro tremendo dia, unda cu e prome bala (e ta e prome riba e roster) e la dal den un hit, y a bati total 2 hits, un base por bola y a bay di 4-3. Tambe e la empuha careda. Por cierto e ta forma parti di un club selectivo unda cu e ta un di e 5 hungadornan cu a dal un hit den 5 diferente pais unda cu e la hunga cu MLB. E la hunga na Merca, Mexico, Canada, London y awor Sur Korea. 

San Diego a elimina e pitcher estelar di Los Angeles Yamamoto, cu a costa e ekipo mas di 300 miyon dollar. Pero ya den prome inning, Padres a batie mal bati cu mas di 60 pitcheo, y 5 careda total y e alineacion completo a haya turno den e prome inning. Esaki ta e cantidad di mas grandi di contra careda cu Dodgers tabatin den su historia. Segun Bogaerts, ‘nos mester bin aki mas sigui’, den forma di broma. Un total di 15.928 persona a presencia e wega den e Gocheok Sky Dome diahuebs durante 3 ora y 42 minuut di wega.