Personal di KIA ta menasa cu accion diamars mainta

ORANJESTAD – Personal di KIA (prison) ta menasa cu un accion di 2 ora diamars mainta bou di guia di sindicato TOPA. “E personal ta malcontento cu e maneho di sra Hassell”, e fuente fidedigno a bisa NoticiaCla.com dialuna anochi. E intencion ta pa presenta mas di 20 punto cu lo bin dilanti, splicando pakico personal no ta contento cu Hassell.

INTENSIFICACION

Mas informacion ta mustra cu lo tin ‘hopi problema’ den e cuater murayanan di prison. “Y minister ta na altura”. A compronde cu e accion ta cuminsa mayan, y cu si minister no mustra cara, e accion ta intensifica pa 4 ora, y asina lo sigui aumenta cu 2 ora segun ley y regla. “Nos lo no haci nada descabeya pa pone seguridad di e lugar den peliger, ni e pueblo”. Nan ta mustra cu nan ta hopi conciente di nan responsabilidad. “Pero nos no por sigui cu e maneho di e señora”. Nan ta sigura cu ‘personalmente nan no tin nada contra e señora, pero cu su maneho no ta bon. “Y a bira cu nos no por dialoga mas cune”. Y e señora a bira echt dimas”.