Avianca mester a paga 2 pasahero mas di 3 mil dollar pa incumplimento di biahe pa Aruba

BOGOTA – E aeroliña Colombiano Avianca mester paga mas di 3 mil dollar pa no a cumpli cu e contracto di dos pasahero. E Camara Federal di Apelacion a determina un fayo di prome instancia di e huez di Cordoba, na fabor di dos pasahero cu no por a culmina un biahe entre Mendoza y Aruba. Segun e sentencia, a condena Avianca pasobra e dos pasaheronan no por a finalisa nan biahe pa Aruba pasobra cu tabatin un cancelacion di dos parti di e itinerario, perhudicando e pasaheronan. Como tal a ordena e aeroliña pa paga e pasaheronan e suma menciona.     

E CASO

E pasaheronan Berrini y García a cumpra nan pasashi na 2019 via Avianca pa bula di Mendoza pa ARuba, cu un para na Lima y Bogota. Nan a logra biaha te cu Lima, pero eynan a bin tende cu a cancela e porcion di Lima pa Bogota y Aruba.  A yuda nan bolbe Mendoza, pero, no a traha riba e consecuencia di no cumpli cu e otro parti ni a debolbe nan e parti di e biahe no usa.