Relacion ta bon, pero ainda nada di acuerdo riba interes abou pa prestamo Covid

ORANJESTAD – E relacion entre Aruba y Hulanda ta bon, pero ainda ni Aruba ni Hulanda no por a raporta ainda riba un acuerdo pa loke ta e reduccion di e interes halto cu Aruba tin cu paga pa e debe di Covid. “ Naturalmente nos lo atende tambe e refinanciamento di e debe y e interes abou pa Aruba. Te awo reunionnan ta bayendo bon y mi tin fe y confiansa cu e otro reunionnan tambe lo bay bon”, tabata e unico cu e prome mandatario di Aruba Evelyn Croes por a bisa diaranson riba e tema ey despues di a topa cu secretario di estado Hulandes Alexandra van Huffelen. A brasa otro, a intercambia di regalo, y ta mustra cu e relacion personal ta bon, y cu ambos ta papia bon di otro. “Riba e tema di refinanciamento di e prestamo di Covid nos ta den combersacion ainda berdad. E combersacion ta bon, ta canando, pero nos no ta cla ainda” e mandatario Hulandes a sigui bisa. Biaha pasa Noticiacla a haci e pregunta na e mandatario cu ta papiando, combersacion ta bon, pero no tin progreso. A puntra e mandatario si awor tabatin mas progreso y of con leu partidonan ta di otro. “Ta semper fastioso pa bisa ora cu bo ta ainda den combersacion, pasobra nos tin cu haci palabracion ainda riba e refinanciamento. No tin un resultado concreto cu mi por comparti cu bo aworaki, pero nos ta bon den combersacion” e mandatario a bisa. Por scucha e combersacion AKI.