Van Huffelen: Contento cu e progreso, pero kier pa simplifica sistema di impuesto aun mas

ORANJESTAD – Mientras cu e ta contento cu e progreso cu tin riba varios tereno, e secretario di estado Hulandes Alexandra van Huffelen kier pa tin mas forma di simplificacion di impuesto, y cu tin cu genera mas entrada asina den caha di gobierno. “Mi a palabra cu minister di finanza con pa crea mas medida pa simplifica e sistema di impuesto mas ainda, y pa fortifica esaki” van Huffelen a contesta Noticiacla diaranson atardi durante un conferencia di prensa di e mandatario. E la sigura tambe cu e ta hopi contento cu loke a wordo haci caba di parti di Aruba.  “Parti di e discusion ey tambe a trata BTW, y nos ta bay wak riba esaki, pero no sa den cuanto tempo mester implementa esaki, pero si ta importante pa banda di e medidanan tuma caba, kico mas ta posibel” e mandatario a continua bisando. Riba e pregunta cu si e ta haya e ora cu ainda Hulanda ta haya cu no tin suficiente medida, e la bisa cu semper ta importante pa wak con por fortifica e sistema”, van Huffelen a finalisa bisando. Por scucha e contesta di e mandatario AKI.