Bogaerts a bati bon pero San Diego Padres ta perde na Seoul, Sur Korea

SEOUL – E pelotero professional di Aruba, Xander Bogaerts a bati bon den su prome wega di temporada cu San Diego Padres su prome wega (di dos) contra Dodgers na Seoul, Sur Korea, pero e ekipo no a logra gana e partido. E prome wega di e temporada a wordo hunga den e World Tour di MLB cu ta na Seoul Sur Korea. 

E WEGA

E wega tabata diaranson anochi (ora di Sur Korea), 6am ora di Aruba, unda cu e score final tabata 5-2 pa Dodgers. Bogaerts a dal dos hit y a empuha un careda. E tabatin 4 turno na bate. E yiu di Corsou Jurickson Profar tambe a mira accion y tambe a mira accion cu 1 hit, den dos turno. Diahuebs San Diego ta hunga su di dos y ultimo partido contra Dodgers na Seoul, pa despues bolbe Merca y continua otro siman cu e temporada ‘regular’. Tur otro ekipo ta cuminsa e temporada nobo otro siman, mientras cu San Diego y Los Angeles si a cuminsa awe caba.