Caso di varios hincamento na Dakota ta laga 1 persona den ICU

ORANJESTAD – Fin di siman a cuminsa violento den bario di Dakota. Tabata diabierna atardi pasa di 5:30 cu central di polis  a wordo notifica di un problema adando na un cas na Mandolinstraat den Dakota.

Patruya a ser manda na e sitio di incidente.  Un rato despues a drenta un melding cu lo tin homber hinca na Olijfistraat. Central di polis a despacha mas unidad di polis en conexion cu e situacion a bira tenso y a drenta melding di otro persona hinca  den Pindastraat.  Un di e personanan herida su situacion a cuminsa empeora na unda cu a dicidi di transporte e victima cu patruya di polis mes, enbez di warda pa ambulance, y conhuntamente cu mas unidad a habri caminda pa asina por yega mas pronto posibel hospital. 

Departamento di recherce a presenta como tambe polis technico pa asina haci nan investigacion. 

Polis ta informa cu tin te cu awo 1 persona deteni, un cuchiu como tambe 2 auto confisca pa cu e caso encuestion na Cashewstraat y Mandolinstraat. 

Den oranan tempran caba tabata tin problema andando na unda cu 2 hoben mester a wordo herida cu machete. 

Cuerpo Policial ta haci un apelacion na personanan cu sa algo of a mira algo pa yama e tiplijn di polis cu ta 11141. Na ultimo, polis a actualisa e noticia y bisa cu un di e victimanan di e hincanan ta den ICUY y e otro tres victimanan ta stabiel.