Apenas 1132 Venezolano na Aruba ta registra pa vota pa nan eleccion presidencial

ORANJESTAD – Di e mas di 7 mil Venezolanonan oficialmente registra na Aruba na Censo, apenas 1132 ta registra na Consulado Venezolano pa por deposita nan voto pa e proximo eleccion presidencial na juli proximo. Segun informacion di e Consulado, gran parti ta pasobra e otronan a ‘renuncia nan nacionalidad’ Venezolano ora cu nan a haya p.e. pasaporte Hulandes. Ademas, ta bon pa splica cu no por generalisa pasobra entre esnan registra, tin informacion cu un gran parti di nan ta hoben of mucha cu no tin edad legal pa vota, aunke cu hopi biaha   di esnan registra, no ta specifica edad di e registra, sino solamente ta si nan ta homber of muher, y no pa nan edad y otro atributo. Den e caso aki, tin 3791 muher Venezolano registra y 3391 homber. Tambe ta bon pa sa cu e Venezolanonan cu no ta posee residencia, no por vota, pues tampoco por registra na Consulado pa por vota. 

EKIPO DI VOTA

Tambe ta bon pa sa cu consulado Venezolano, ta wardando riba e ekipo cu ta posee e sistema di CNE, pa por prodede e inscripcion den e representacion consular. 

ILEGAL

No tin cifra oficial di e grupo ‘ilegal’ cu ta residencia na Aruba tambe, pero informacion cu Noticiacla ta haya di otro fuente ta papia di entre 7 pa 10 mil cu ta na Aruba cu no ta legal, pero di un of otro forma, si a haci di Aruba nan lugar di biba.