AZV ta cambia di proveedor pa material di incontinencia

ORANJESTAD – E siman aki AZV a anuncia cu nan ta cambia di proveedor pa material di incontinencia. Entrante 1 di april 2024 esaki ta bira Visser Trading, despues cu esaki tabata den man di Martijn Trading. 

Segun AZV, bou di tratamento medico ta inclui materialnan di cuido cu ta necesario pa e aseguradonan por hiba un bida mas normal y saludabel cu ta posibel. Despues di e proceso di destaho publico, Organo Ehecutivo AZV (OE AZV) a informaalrededor di 2600 persona cu ta usuario di materiaal di incontinencia (pull ups, kathethers, etc) di e proveedorn nobo.

Visser Trading desde 1 di april lo keda encarga cu e entregamento di e materiaal di incontinencia. Nan mes lo comunica cu e grupo di asegurado. OE AZV ta pidi cada asegurado -usuario di materiaal di incontinencia- pa tuma nota di e cambio importante aki y duna oportunidad na Visser Trading pa cumpli cu nan tarea nobo aki.