Congreso ta vota riba concepto di ley cu lo por prohibi TikTok na Merca

WASHINGTON – Congreso Mericano awe por vota riba un concepto di ley cu por resulta den un prohibicion nacional di e medio social TikTok na Merca. Entre e rekisito, e lo rekeri pa e gigante Chines ByteDance bende su parti den e aplicacion, dentro di 6 luna, of haya un prohibicion pa ta den e app store Mericano y plataformanan digital. E ta sigui un esfuerso di autoridad Mericano pa limita acceso na e applicacion, citando risico di seguridad nacional. Mientras cu e futuro di e ley ta dudoso, presidente Mericano Biden a bisa caba cu e lo firma e concepto den un ley si e yega su despacho.