Spirit Airlines purbando di evita bay den bancarota debi na debe biyonario

MIRAMAR – E aeroliña di costo abou, Spirit Airlines ta bringando un posibel bancarota, cu mas di 1 biyon di dollar na debe. E compania a haci intento comienso di aña pa uni cu e aeroliña JetBlue, pero corte a para e union aki. Aworaki e ta bringando e posibilidad di mester declara su mes den estado di bancarota. E aeroliña e proximo 2 añanan ta confrontando momentonan crucial unda cu mester paga cierto debenan. E siman aki atrobe riba e bolsa, e situacion a bolbe hala atencion ora cu e accionan nan prijs tabata hopi abou. Ora cu corte a para e union di e dos aeroliñanan, Fitch Ratings a ‘downgrade’ e aeroliña su rating, indicando cu e compania ta confrontando problema serio y no ta logrando pa wanta cabez riba awa. Su CEO sinembargo ta critica e noticianan y ta sigura cu nan lo bounce back, y ta tumando pasonan necesario pa evita bay den bancarota. E CEO Ted Christie a bisa na februari ainda cu ta actuando. A bende 25 avion y despues lease nan bek, permitiendo e aeroliña pa pag 465 miyon na debe. E aeroliña ta bula cu hopi frecuencia pa Aruba.