Cuerpo policial di Aruba ta estrena flota di mas di 30 auto nobo nobo

MACUARIMA – Cuerpo policial di Aruba a ricibi un flota di 34 auto nobo nobo marca Ford diamars. E agencia cu a percura pa esaki ta R. E Yrausquin & Sons.  Nan ta bay awor di e marca Isuzu pa Ford, specificamente e modelo Everest y Ranger. A haci un cambio radical for di e zwaailicht blauw y oraño pa blauw y cora. E cambio aki tabata ta pa  miho visibilidad y seguridad pa e agentenan policial pero tambe pa comunidad. Tambe lo tin sonido di sirena diferente compara cu antes pa mihor sonido.

Como fuera e flota nobo aki tambe lo ricibi “Data Terminals” pa asina e agentenan por ta mihor equipa den nan patruya policial cu informacion. Di e forma aki Aruba ta dal un stap grandi locual ta tecnologia y husticia.