Familiarnan di e 9 hombernan cu a disparce na caminda pa Aruba a keda secuestra

CARACAS – Familiarnan di esnan cu a naufraga riba laman na caminda pa Aruba, desde Paraguana, estado Falcon, ta kere cu nan tabata victima di un secuestro. Asina e portal Venezolano el diario.com ta raporta. E 9 hombernan ta desapareci desde December 2023. “Mientras cu e dianan tabata pasa, nos tabata spera cu nan lo a sali via Guajira pa Colombia, nos ta calcula y ta den nos cabez cu nan ta secuestra” un di e familiarnan a bisa na radio Union dialuna. Irene Velazco, otro familiar entrevista a bisa cu nan a raporta esaki caba na e autoridadnan. “Nos a te hasta bay guardacosta y nan a tuma nos datonan. Supuestamente nan lo ta haciento e buskeda pero nunca nan a duna nos prueba di e busqueda aki”. 

E ODISEA

Tabata dia 10 di December aña pasa cu dos boto a sali di Venezuela rumbo pa Aruba. Den un di nan tabatin 9 homber cu a disparse prome cu nan por a yega nan destino. E otro boto a bolter y a laga 4 persona morto. Ángela Rosert, casa di e pasahero desapareci Juan Hurtado, a denuncia na Cronicas del Caribe dia 21 di December ultimo cu e no a haya un contesta pa parti di e autoridadnan Venezolano.