Buki nobo di codigo di procedimento penal ta duna OM mas autoridad

ORANJESTAD – Cu introduccion di e Codigo di procedimento penal (Wetboek van strafvordering) nobo siman pasa, cu ta drenta na vigor 1 april proximo, tin varios cambio interesante segun minister di husticia Rocco Tjon.  Entre otro ta bay percura cu Ministerio Publico y e organisacionnan cu ta haci investigacion tin mas autoridad pa na un manera mucho mas eficiente y eficaz por combati criminalidad. Na mes momento, lo bay garantisa mas derecho pa detenidonan y victimanan. 

PROCESO LARGO

Segun e mandatario, ta trata di un proceso largo, cu a inicia na 2013, y un di e prome decisionnan cu e minister a tuma como mandatario encarga cu e cartera di Husticia den e prome Justitieel Vierlanden Overleg, cu tabata pa Aruba percura pa introduci e wetboek aki, mirando cu e ta sumamente importante. Bisando esaki, Aruba ta e prome pais den reino cu ta bay introduci e cambio aki.

PROME PASO

E prome paso den e trayectoria di e Wetboek van Strafvordering nobo a ensera pa sera un acuerdo cu sra. Monique Moss, pa traha un plan van aanpak. Sra. Monique Moss tawata encarga cu e parti di Wetboek van Strafvodering na Hulanda, pues a traha e plan van aanpak di con nos na Aruba lo mester introduci esaki. 

DESMENTI INFORMACION

E mandatario a desmenti e supuesto mal informacion cu a wordo transmiti den medionan di comunicacion tocante e trayectoria di e wetboek van strafordening, cu Orde van Advocaten supuestamente no tawata al caso, y a sigura cu esaki sigur no ta e caso. NOTA: E potret acompañando e articulo ta uno di archivo y no necesariamente ta ilustracion di e buki nobo di precedimento penal.