Na Corsou, trahadonan di cas di cuido Betesda a bay den accion

WILLEMSTAD - Trahadónan di kas di kuido Betèsda a drenta akshon for di awe mainta tempran. E trahadónan ta bisa ku nan ta disgustá ku a manera kon kosnan ta kana na e instituto i no ke sigui traha bou di maneho di e aktual direktor.

Pa algun dia kaba tin bastante inkietut rondó di e instituto su situashon finansiero. Pago di salario i kompra di ekiponan nobo ku Betèsda a risibí supsidio èkstra pe ta algun di e puntonan ku ta bin dilanti.

Presidente di e sindikato CBV, Annaliza Suares-Mathilda a akudí na Betèsda i a reklamá ku niun hende di gerensia a sali pa papia ku e trahadónan. Tambe el a reklamá ku e direktor, Natasha Rog ta den eksterior.

Suares-Mathilda via telefòn a papia ku minister di salubridat, Javier Silvania ku a partisipá na e trahadónan den akshon ku el a pidi Hunta di Supervishon presentá na Betèsda i pa papia ku e trahadónan i sinta i atendé e situashon pa pas laboral. Tambe e minister a pidi Hunta di Supervishon pa hasi investigashon riba maneho di Betèsda.

“Ta risibiendo demasiado señal ku kosnan no ta bayendo bon”, Silvania ta bisa.NOTA: Texto ta scirbi den Papiamento fonetico di Corsou.