Na Corsou a pospone accion di Selikor y lo bay usa strategia

 WILLEMSTAD - E akshon di trahadónan di Selikor ku ta rekohé shushi a keda posponé, pero no a kaba ainda. E malkontentu tei ketu bai.

Manera ta konosí, djaluna e trahadónan di Selikor ku ta rekohé shushi a pone trabou abou. Nan a sera entrada di landfill Malpais, usando ekiponan pisá pa sera e entrada. Niun hende ni instansia por a drenta ni sali ku shushi. Trùknan tabata yega pero mester a bira bèk meskos ku nan a bin pasobra no por a basha shushi einan.

E akshon ta pasobra trahadónan ta sinti nan menasá pa e hefe di nan. Nan no ke traha mas bou di e persona aki i p’esei a pone trabou abou pa por haña atenshon di gerensia.

Ayera sinembargo nan a posponé e akshon. Lo bai usa strategia pa sigui demostrá nan malkontentu. Tambe abogado a manda karta pa e sindikato ku ta representá e trahadónan, eksigiendo pa nan reanudá trabou sino lo bai un huisio sumario kontra di nan.

E akshon a keda posponé pero manera e presidente di e sindikato BTG a bisa, lo usa strategia awor enbes di e akshon. NOTA: Texto ta scirbi den Papiamento fonetico di Corsou