Gobernador ta extende periodo di formashon na St. Maarten

Posted on 03/5/2024 9:04 am AST | Updated on 03/5/2024 9:05 am AST

PHILIPSBURG.- E formashon di un gobièrnu nobo pa St. Maarten ta durando mas largu ku a kustumbrá. Gobernadó Ajamu Baly a prolongá e periodo di formashon te 29 mart. St. Maarten ta forma huntu ku Kòrsou un union monetario.

Originalmente formadó, Luc Mercelina (URSM) tabatin te ku 4 mart tempu pa e indiká si el a aseptá e enkargo di forma un gobièrnu nobo. Pero ainda e proseso no ta kla. Dia 28 febrüari Mercelina a reuní ku Baly i a duna un bista di kon e proseso di formashon ta kanando.

E gobernadó ta bisa ku mirando e screening di kandidatonan ku ainda ta andando, formadó Mercelina a pidi mas tempu pa e terminá e proseso. Ta den e kuadro aki Baly a duna formadó te 29 mart pa entregá su relato final i indiká si e ta aseptá e enkargo.

13 yanüari Mercelina a haña e enkargo serka gobernadó pa forma un gobièrnu entre e partidonan URSM, DP, NOW i PFP i pa intermediá den diferensianan ku por tin ku frakshonnan den oposishon ku e meta pa stimulá stabilidat polítiko. Un gobièrnu ku ta konsistí di ministernan ku ta komprometé ku ehekushon di un programa di gobernashon ku ta dirigí riba promové bienestar di St. Maarten i su poblashon.

E partidonan URSM, DP, PFP i NOW a haña kada un 2 asiento durante elekshon dia 11 yanüari último i huntu ta forma un mayoria di 8 di e total 15 asientonan den parlamento di e isla ku ta forma un union monetario huntu ku Kòrsou. Un dia despues di elekshon e 4 partidonan a firma un deklarashon di intenshon pa forma un gobièrnu huntu.

Despues di esaki gobernadó di St. Maarten, Ajamu Baly a nombra Nilda Arduin i Candida Joseph komo informadó ku e tarea pa sondia e posibilidatnan di un mayoria ku ta dispuesto pa forma un gobièrnu nobo. E informadónan a entregá nan rapòrt na Gobernadó Baly i a hasi menshon di loke tabata konosí kaba, esta ku tin 4 partido ku a firma un deklarashon di disponibilidat indikando di ke traha huntu pa e próksimo periodo di gobernashon.

Nòmber di kandidatonan pa minister ta Mercelina pa e puesto di promé minister, Viren Kotai (DP) komo kandidato pa bira minister di Finansa, Grisha Heyliger-Marten (DP) ta kandidato pa e puesto di minister di Turismo, Asuntunan Ekonómiko, Transporte i Telekomunikashon. Lider polítiko di NOW, Christophe Emmanuel ta kandidato pa Minister di Enseñansa, Hubentut, Kultura i Deporte, Lyndon Lewis NOW) ta kandidato pa e puesto di minister di Hustisia i PFP a skùif Raeyhon Peterson dilanti komo kandidato pa minister di VROMI (Volkshuisvesting, Ruimtelijke Ordening, Milieu & Infrastructuur”.

Peterson lo ta alabes e vise promé minister. Komo kandidato pa bira minister Plenipotensiario na Den Haag, PFP a manda nòmber di Patrice Gumbs aden. URSM a negoshá tambe e ministerio di VSA (“Volksgezondheid, Sociale Ontwikkeling & Arbeid”) pero no ta konosí ken lo nombra den e funshon aki.

Lider di DP, Sarah Wescott-Williams lo ta kandidato pa bira presidente di parlamento. Un otro nòmber ku ta bai rònt ta esun di Ken DP ta hasi no ta konosí ofisialmente ainda.. NOTA: Texto ta scirbi den Papiamento fonetico di Corsou.

Seis prezo di Sint Maarten temporalmente traslada pa Boneiro
KRALENDIJK – Recientemente a traslada seis prezo di e prizon Point Blanche na Sint Maarten pa Boneiro. E movementu ta sigui despues di un candela recien na e prizon dia 14 di mei ultimo y tencionnan pa motibo di derechonan di detencion limita y condicionnan malo, incluyendo scarsedad di personal y falta di facilidadnan. Abogadonan ta keha tocante e falta di consulta durante e traspasonan y e confidencialidad reduci di comunicacionnan. Autoridadnan ta enfatisa cu e traspaso ta temporal. Unabes cu e situacion riba Sint Maarten ta bou di control, e prezonan lo regresa. Ta bon pa menciona cu Aruba tambe a manda refuerso pa e isla ora cu e problema despues di candela a surgi.
Mas Region
Lesa Mas
Hefe di polis di St Maarten scogi como prome Vice Presidente di ACCP
GEORGETOWN/PHILIPSBURG – Durante e di 39 Reunion Anual di e Association of Caribbean Commissioners of Police (Asociacion di Hefenan di Polis Caribense (ACCP), cu a tuma luga di 12 pa 16 di Mei 2025 na Arthur Chung Conference Centre na Georgetown, Guyana, Comisario Carl John, Hefe di Cuerpo Policial di Sint Maarten y Presidente di e Colegio di Hefenan di Polis di e parti Caribense di Reino Hulandes, a keda scogi como prome Vice-presidente di ACCP.
Mas Region
Lesa Mas
Bon gobernacion y empresario lokal ta central durante bishita di Szabó na Boneiro
KRALENDIJK – Secretario di Estado Zsolt Szabó (Digitalisacion y Relacionnan den Reino) ta na Boneiro di 25 pa 28 di mei. Ademas di e discucionnan cu Conseho Ehecutivo, Gobernador y Representante Nacional Interino, Sr. Szabó lo bishitavarios compania y organisacion social. E prioridadnan clave di e Secretario di Estado ta autosuficiencia economico, bon gobernacion y finansa solido. Tur e topiconan aki ta wordo discuti durante e combersacionnan.
Mas Region
Lesa Mas
Reunion na Antigua a confirma cu turismo pa Caribe ta den bahada pa cuartal 3 di 2025
ANTIGUA – Durante e reunionan di turismo actual na Antigua, ATA a confirma cu turismo pa Caribe ta den bahada pa cuartal 3 di 2025. Tambe por remarca cu e reunionnan ta refleha un Caribe den bahada pa loke ta turismo Mericano den cuartal 3 2025. Un Aruba cu si ta mustra stabil por lo general, pero cu necesidad di pusha extra tambe pa cu cuartal 3 2025. Preocupacionnan pa cu e situacion na Merca a wordo subraya pero di otro banda tambe e resiliencia di e mundo di biahe y turismo y di Aruba, cu ta sigui ta parti di e top 5 di destinacionnan mas fuerte den Caribe.
Mas Region
Lesa Mas
Aruba ta presenta su vision pa sector agricola modern durante DCALFA na Boneiro awe
KRALENDIJK - Durante Dutch Caribbean Agriculture, Livestock, and Fisheries Alliance (DCALFA), cu ta inicia awe na Boneiro, minister Geoffrey Wever ta representa Aruba. Minister Wever ta presente hunto cu Sra. Nathalie Maduro di Santa Rosa y Sra. Maria Dijkhoff-Pita di Departamento di Asunto Economico, Comercio y Industria (DAECI). DCALFA ta uni representante di tur isla den Caribe Hulandes y Hulanda mes, pa fortifica cooperacion den agricultura, cria di bestia y pesca — e base pa seguridad alimenticio y desaroyo economico duradero den region. Aruba lo presenta su vision pa un sector agricola moderno, innovativo y inclusivo, cu infrastructura clave manera Santa Rosa, e Agri-Innovation Park y e futuro Center of Excellence.
Mas Region
Lesa Mas
A re-establece orden den prizon na St Maarten despues di candela
PHILIPSURG - Ayera tardi, algu despues di 5or prizòn Point Blanche na St. Maarten a bati alarma pa kandela. Un parti di e prizòn a keda sendé na kandela. E kandela a bira unu grandi i ta basta huma pretu tabata sali for di e instituto penitensiaro.
Mas Region
Lesa Mas