Usher tambe ta den Curacao North Sea Jazz 2015!!

WILLEMSTAD – E ultimo dos nombernan pa e line-up di Curacao North Sea Jazz 2015 ta conoci!. Net despues di mei anochi, e organisacion a confirma cu ta trata aki di nada menos cu e cantante grandi “Usher” y e cantante ingles Emeli Sandé. E ultimo lo presenta riba diabierna anochi y Usher lo ta e artista principal pa diasabra dia 5 di september.

USHER

Usher tabata programa pa bin caba, pero no a ‘logra’ y a wordo reemplasa e aña ey cu Prince. E biaha aki si e ta presente. Usher Raymond (37) a wordo descubri pa e programa popular “Star Search”, y yuda pa P. Didddy. E ta un di e miho artistanan paga y a bende mas di 65 miyon album mundialmente. E la gaba por lo menos 8 premio grammy, y a wordo premia tambe como e #1 di 100 artista di añanan 2000. E ta un di e musiconan mas exitoso di e decenia ey, y su solo album confesions (2004) e miho album solista di e tempo ey.

EMELI SANDÉ

E cantante R&B di soul Emeli Sandé, a logra su debut cu e album “Our Version of Events”. E ta popular na Gran Britania y a presenta durante e apertura y clausura di e wegnan olympico na London. Ademas e la gana premio Britanico pa miho artista femenino y pa album di aña. Otro artistanan pa e aña aki, ta entre otro Juanes, Oscar D’Leon, Enrique Iglesias, Lionel Richie y mas.