Cantidad grandi di Sargassum a yega costa di Corsou

WILLEMSTAD - Den wikènt, outoridatnan di GMN enkargá ku nos kosta a bai tira un bista parti nort di Kòrsou kaminda a haña notifikashon di Sargasum ku a yega nos kosta. Pa algun dia kaba ta vigilando tantu e peliger di zeta den laman i tambe sargasum ku por yega kosta. E parti di zeta ta bini di un situashon ku un barku den área di Trinidad i ku a yega kosta di Boneiru. Na Kòrsou tabatin nos kosta bon vigilá.

Pero den wikènt a konstatá sargasum, bastante sargasum porsierto na kosta di Boka Labadera i Bok’i Mangel, tur dos na parti nort di nos isla. EXTRA a tuma kontakto ku señor Dilrosen di GMN i el a splika ku e no por duna detaye ainda di e situashon, ya ku ta awor koleganan a bai tira un bista di e situashon. Pa den siman lo duna informashon kon ta bai atendé ku e situashon.

Manera e fotonan ku EXTRA ta publiká aki, por mira na Boka Labadera i tambe na Bok’i Mangel na kosta nort kuantu Sargasum a poderá di e pida laman aki. NOTA: Texto ta scirbi den Papiamento fonetico di Corsou.