CMO: Mayoria di mancha di zeta di Trinidad a pasa Aruba bay caba

ORANJESTAD - For di e momento cu Aruba (Crisis Management Organisation)  a ricibi rapport tocante e petroleo cu a bay e costa di Boneiro, Aruba a intensifica su nivel di alerta pa Codigo Oranje. Un Team di Maneho di Incidente a keda establece inmediatamente conforme cu e plan di control di derame di petroleo.

Aruba a intensifica su esfuerso pa scout e costa pa medio di dividi e costa den cinco sector, caminda ta tuma luga exploracion intensivo pa diferente instanciananmanera DNM,FPNA,DOW, hotelnan bao liderazgo di ATA bou di Cluster 8, y e Havenmeester.

E team di Maneho di Crísis (CMO) a haci un yamada na poblacion pa raporta cualke mancha di petroleo nan ta mira, hasta si nan ta situa na luganan remote.

Diasabra 2 di maart, a detecta teerballs na un luga conoci pa CMO. No obstante por ta posibel cu nan ta bini for di e incidente na Trinidad y Tobago, tambe ta posibel cu nan a bin via e ruta di bapornan entre Jamaica y Trinidad door di tanker di petroleo. Aruba por spera pa e siman cu ta bini teerballs, pero scout recien y informacion, manera tambe e Mapping Rapido EMS pa delinea area di impacto cu ta warda ainda, ta sugeri cu e mayoria di e mancha a pasa Aruba. Sinembargo, ainda lo tin teerballs cu ta bay acerca durante e proximo dianan. NOTA: E potret ta di e situacion na Corsou unda cu a nota mancha di zeta.