Van Huffelen y Wever-Croes a reuni na Hulanda pero nada di acuerdo ainda

DEN HAAG /ORANJESTAD - Diabierna prome di maart, Prome Minister, Minister di Economia Geoffrey Wever y Minister Plenipotenciario Ady Thijsen a topa car acara cu Secretario di Estado Alexandra van Huffelen, pero ainda no a yega na nada concreto. For di e comunicado cu gobierno di Aruba a manda e fin di siman aki, por conclui cu e combersacion lo continua aki dos siman ora cu van Huffelen ta na Aruba. Un di e motibonan cu no tin nada concreto ainda ta e.o. “cu ainda tin algun informacion cu Gobierno mester busca pa asina sigui conbersacionnan riba e tema den e dianan venidero”. Importante ta, Prome Minister a expresa, cu Gobierno di Aruba ta na mesa y ta purbando di sali afo pa baha e interes di 6.9% cu Aruba mester bay paga riba e debe di Covid.