- Hospital Horacio Oduber tambe a participa na simulacro pa Tsunami awe
- Corsou ta den gara total di eleccion pa diabierna!
- Hospitalnan na Hulanda ta anuncia welga nacional
- Kirsty Coventry eligi como presidente nobo di Comite Olimpico Internacional
- Gobernador Boekhoudt a ricibi Consul General a.i. di Merca
HBO ta estrena serie documental di Aruba cuminsando na April
ORANJESTAD - “Blue Lizard Effect” t'e serie documentario nobo di Aruba cu lo ta disponibel riba HBO MAX entrante dia 17 di april 2024 pa e mercado di Latino America, Europa y Merca. A realisa e serie Blue Lizard hunto cu Aruba Tourism Authority (A.T.A.) y Pacifista Film. Cu e serie aki Aruba ta posiciona como un di e islanan di Caribe mas innovativo den desaroyo di contenido y comunicacion.
E serie ta conta cu 4 capitulo di 30 minuut y ta enfoca riba e 4 elementonan: awa, tera, candela y aire. E ta un contenido global disponibel riba diferente plataforma HBO na Merca, Latino America y na Europa.
Blue Lizard Effect ta pa bolbe n'e reis, sensacion y sabor, cultura y historia, e transformacion cu ta biba diariamente entre nos y con tur e elementonan aki ta alinea pa genera un sentido di comunidad, di apoyo y di energia pa genera felicidad y plenitud.
E serie di documental, Blue lizard Effect, ta protagonisa pa Jason Silva, kende n'e momento puntual aki di su bida, ta en busca di un transformacion spiritual. Jason ta cuminsa cu e aventura pa Aruba pa haya sa dicon nan ta yam'e E Isla Feliz, dicon e felicidad di su habitantenan y con e por siña di cada un di e personanan cu e ta drenta den contacto cu ne pa logra e transformacion cu e mester asina tanto. Diesdos Arubiano ta mustra Jason nan manera di biba, pakico nan ta sinti nan mes feliz, con ta den contacto cu e elementonan ta mantene nan bibo y activo.
Cu e serie aki, Aruba ta bira un di e prome destinacionnan pa desaroya un non-branded content den forma asina ki esta un docu series den cua ta biba balor di marca y cu ta enfoca riba e activonan principal di e isla, su hendenan y felicidad. Tur proyecto cu nos ta haci, nos ta pensa riba e factornan strategico manera innovacion, durabilidad di contenido, credibilidad di contenido y distribucion ta parti fundamental pa anima mas y mas bishitante pa bin conoce Aruba.
Hospital Horacio Oduber tambe a participa na simulacro pa Tsunami awe
ORANJESTAD – Personal di Horacio Oduber Hospital (HOH) tambe a participa diahuebs mainta na e simulacro pa yegada di un Tsunami, segun Caribe Wave 2025. Esaki a cuminsa pa 11’or di mainta. Director Jacco Vroegop a sigura Noticiacla cu tur cos a bay rustig y bon planea. E intencion di e simulacro ta pa midi e estado di preparacion di tur instancia concerni, den caso di un alerta real di un Tsunami. Na tur, como 33 mil persona lo mester tabata envolvi riba e isla completo.
Roos: E tayer pa siña traha documentario, 'Documentary Bootcamp' ta bolbe!
DNM riba Earth Hour: Duna naturalesa un ora di bo tempo
ORANJESTAD - Dia 22 di maart proximo, riba diasabra, miyones di hende, empresa y gobierno rond mundo ta participa na Earth Hour. Kico esaki ta nifica? E ta un accion cu ta encera paga e luznan pa un ora, pa asina dedica tempo un rato na conscientisacion di e importancia di nos naturalesa y con consumo di coriente, tin biaha inncesario, por afecta naturalesa y medio ambiente.
Scol Saludabel Aruba cu training pa Gezonde School Adviseurs y Gezonde School Coordinatoren
ORANJESTAD - Den siman di 10 te cu 14 di maart 2025 Scol Saludabel Aruba a organisa un training pa ‘Gezonde School Adviseurs’ y ‘Gezonde School Coordinators’. Na e training aki a participa un grupo di profesionalnan di diferente departamentonan di gobierno entre otro, Departamento di Salud Publico su seccion di Jeugdgezondheidszorg y Health Promotion y Departamento di Asuntonan Social. Tambe a participa un grupo di maestro di e diferente scolnan cu ta den e proceso pa bira un Scol Saludabel. Esaki a encera docentenan di Movecion y Salud, coleganan docente, Interne Begeleiders y/of schoolleiders. E training a wordo duna na Directie Volksgezondheid y edificio di Departamento di Enseñansa (sala MFR)
Feliz dia di Himno & Bandera
CMO: E sistema di alerta trempan di 1.7 miyon euro ta totalmente financia pa Union Europeo
ORANJESTAD – E Oficina di Maneho di Crisis di Aruba a anuncia e lansamento oficial di un Early Warning System (EWS) moderno cu ta un avance importante den e capacidad di Aruba pa maneha calamidad, sigurando cu alerta y informacion crucial ta yega na e momento oportuno na publico durante situacion di emergencia.
Follow NoticiaCla
