- Huez: Besaril tabata usa debitcard mucho facil y Ling no a para e actuacion!
- Ling: “Mi tabata naïve y ta sinti mi mes culpable. Mi mester tabata mas alerta!”
- Besaril:” Mi no a kere cu mi lo a caba mi carera asina”
- Corte Superior a pospone caso Sayuri pa haya mas informacion
- Aruba Bank Walk & Run 2025 a ranca sali cu participacion masal
CFT: Awor si tin un fórmula satisfaktorio pa salba Ennia
WILLEMSTAD – Presidente di Kolegio di Supervishon Kòrsou (Cft) sra. Lidewijde Ongering a referí ku e último biaha ku Cft tabatin un enkuentro ku prensa tabata na òktober 2023. E loke ku e presidente ke a enfatisá ta ku den e periodo di òktober 2023 pa febrüari 2024, hopi kos a sosodé i tabatin hopi trabou ku a tuma lugá pa Kòrsou. Un di nan ta e trabounan intensivo pa buska solushon pa Ennia i Ongering a splika ku e esfuersonan a pone ku a yega na un solushon positivo pa tur partido.
Ta trata di un problema ku Kòrsou tabata buska un solushon pe ya pa algun aña, pa tene Ennia so portanan habrí i no perhudiká e kantidat grandi di penshonadonan ku mester kobra nan penshun na Ennia.
Ongering a splika ku e trabounan tabata intenso pa skapa Ennia i a yega na un solushon kaminda ku tur partido a hasi na máksimo pa skapa Kòrsou di un problema sosial sin presedente.
Ongering a splika ku despues di a buska konseho pa loke ta trata e kuadro hurídiko, a yega na un solushon ahustá den kuadro aki.
Na opinion di Ongering ta trata di un resultado bunita, pero awor e trabou definitivo ta bai kuminsá.
E solushon aki ta trese kuné ku den e presupuesto, Kòrsou ta komprometé su mes pa kontribuí anualmente ku 30 mion florin entrante 2027 pa un periodo di 30 aña.
Esaki ta un preshon riba e presupuesto di Kòrsou, tumando na konsiderashon di rísikonan ku ta eksistí pa e presupuesto, manera entre otro Curaçao Medical Center. Pero e proyekshonnan ta positivo, miéntras mester buska solushon pa Curaçao Medical Center. NOTA: Texto ta scirbi den Papiamento fonetico di Corsou.
Ciclista ta bira proximo morto di trafico na Corsou
WILLEMSTAD – Un motociclista ta accidenta riba Helmin Wiels Bulevar na altura Pico Cash and Carry na Corsou y fayece. Mas informacion den transcurso di dia
Cu Ryan Castro y Tems y Koffee acerca, e lineup pa CNSJ 2025 ta completo
WILLEMSTAD - Ata akí, e lista final di e alineashon di Curacao North Sea Jazz Festival pa loke ta trata aña 2025, ku awor a keda kompletamente finalisá i akabá. Organisashon di Curacao North Sea Jazz Festival pa loke ta trata aña 2025, ta sintié sumamente orguyoso pa por presentá na su enorme fanatikada anual, e último nòmbernan ku a keda inkorporá na e lista di e alineashon musikal vigente pa e aña koriente di 2025. Ryan Castro ta uni su mes na e lista di alineashon pa djabièrnè, día 29 di ougùstùs, miéntras ku e artistanan Tems i Koffee ya a keda konfirmá, afirmá i di ‘line-up’ pa djasabra. Ku e nòmbernan akí ta kaba di kompletá e programa, huntu ku e anunsionan hasí previa- i anteriormente, ku ta inkluí awor e artistanan i e músikonan: Gilberto Santa Rosa, Kool & The Gang, NE-YO, Ricky Martin i Snoop Dogg.
Na Corsou, alumno di 11 aña ta fayece despues di haci EFO Toets
WILLEMSTAD - Ayera mainta tabatin un kaso hopi tristu na un skol di fundeshi kaminda un hobensita di 11 aña a fayesé. El a bira malu na skol i a yama ambulans urgente pero ya no por a hasi nada mas p’e. E kriatura tabata den su siman di EFO Toets Esaki a kondusí ku a posponé EFO Toets pa e skol kompletu.
Gobierno di Corsou ta pone 87 miyon florin pa garantisa fondo pa CMC den proximo añanan
WILLEMSTAD - Durante su disertashon na okashon di ‘Dia Internashonal di Enfermeria’ Minister Javier Silvana enkargá ku Salubridat Públiko, a duna di konosé ku pa evitá ku entre otro kalidat di kuido ta baha òf ku trahadónan mester traha den un hospital ménos optimal, ta tumando pasonan konkreto.
Na Corsou, Gobernador a huramenta Parlamento nobo
WILLEMSTAD.- Na okashon di huramentashon di parlamentarionan nobo, gobernadó sra. Lucille George-Wout a hiba palabra na e 21 parlamentarionan, kaminda a pidi nan pa salbaguardiá nos estado di derecho demokrátiko. Na e elekshon dia 21 di mart, pueblo di Kòrsou a papia palabra kla. Komo miembronan di Staten, nan ta asumí nan funshon den tempu kompliká i turbulento. Nos isla ta fuertemente konektá ku e mundu rònt di nos. I susesonan internashonal ta di gran impakto riba nos seguridat, i tambe riba relashonnan sosial. Skohe pa sirbi interes i bienestar públiko, den un époka manera esaki, lokual ku kada un di bosnan ta hasi, ta demostrá kurashí i un sentido di responsabilidat enorme. E desishon aki meresé tur hende su respèt i apresio.
Pastor Curtis Meris, canciyer di Obispado: Papa Leo XIV conoce e realidad di rond mundo
WILLEMSTAD - Ayera huma blanku a sali for di e chimenea na Vatikano anunsiando ku kardinal Robert Prevost ta bira e di 267 Papa na kabes di Iglesia Katóliko. E lo funshoná bou di Papa Leo XIV (14). E di 267 pontífise di misa katóliko a nase na Chicago den 1955, pero tambe tin nashonalidat peruano, kaminda el a traha komo misionero i arsobispu emérito di Chiclayo.
Follow NoticiaCla
