- Jeon ta kibra silencio riba impasse cu Kenley Jansen
- AHATA: Reconociendo companianan pa nan contribucion impactante na Aruba
- Wardacosta: A haya un ‘yola’ bandona na Dos Playa
- Fraccion di AVP na Ministerio Publico: Conduci bo funcion, rapido, transparente y husto
- Fundacion TUI Care ta lansa TUI Sea, e programa di cambio na Aruba
Discusion na Aruba, a termina den asesinato di un agente policial na Merca
DEDHAM —Un dama Mericano Karen Read di Boston, Massachussets, ta den corte acusa di a asesina su pareha, un agente policial. Loke ta ‘link’ e caso aki, ta cu e motibo di e asesinato por a cuminsa na Aruba. Asina a keda presenta den corte, transmiti pa e portal di noticia WCVB. E fiscal den e caso aki a indica cu tur cos a cuminsa durante un discusion fuerte durante nan estadia na Aruba cuater siman prome. A raiz di e discusion cu a cuminsa na Aruba, esaki a desemboca den e asesinato di e agente policial. E caso mester a cuminsa dia 12 di maart proximo, pero huez a pospone esaki te 16 di April proximo.
DESMENTI FABRICACION
E acusado ta bringa cu e fiscal kier daña su nomber den cualkier forma posibel, y fabrica problema di su relacion cu e victima como motibo pa e asesinato. Segun e acusado, fiscal a introduci testimonio di un incidente cuater siman prome na Aruba. Segun fiscal tambe ta bisa, e acusado no ta disputa e cantidad di mensahenan di voz cu e la laga riba e cellular di e victima, y tambe otro evidencia di problema den su relacion, incluyendo e ultimo problema romantico cu e victima.
Avion a cay banda di aeropuerto di India, tur 242 persona ta kere morto
NEW DELHI - Un avion di pasahero a cay banda di e aeropuerto Ahmedabad di India. Segun polis local, ningun di e 242 personanan abordo ta parce di a sobrevivi e accidente. E avion, cu tabata na caminda pa London, a cay den un area residencial poco despues di a lanta vuelo. Segun Air India, tabatin 230 pasahero y 12 miembro di tripulacion abordo. Polis ta bisa cu mas di 100 curpa a wordo hiba hospital.
Toque de queda den partinan di sentro di Los Angeles pa motibo di sakeo y vandalismo
LOS ANGELES - Un toque de queda a wordo impone den partinan di centro di Los Angeles. Protestanan contra e politicanan di inmigracion di presidente Trump ta andando den e ciudad pa dianan caba. Disturbionan a surgi, incluyendo sakeo y vandalismo. E toque de queda a drenta na vigor pa 8 p.m. ora local y lo dura te cu 6 a.m.
Dies morto den tiroteo na scol na Austria
GRAZ – Na Graz, e di dos ciudad di Austria, a sosode un tiroteo na un scol secundario. Dies persona a muri, e alcalde di Graz y polis ta confirma. Ademas di e diez mortonan, diesdos persona tambe a resulta herida, algun gravemente. Di e mortonan, seis ta femenino i tres ta masculino. Segun Kronen Zeitung, e sospechoso ta ser bisa di tin un historia di buracheria y a comete suicidio den un wc den e edificio di scol. E ex studiante tabata tin dos arma di candela. Ta ser bisa cu e tabatin e armanan den su poder legal.
Protestanan di Los Angeles ta intensifica despues di despliegue di Guardia Nacional
LOS ANGELES - E tensionnan na Los Angeles a aumenta mas despues di e despliegue di Guardia Nacional den e stad. Riba e di tres dia di protesta contra aresto y deportacion di migrantenan, miles di manifestante a subi caya. Nan a blokia un autopista y a cende autonan na candela.
Musk: Sin mi, Trump lo a perde e eleccion presidencial
WASHINGTON – “Sin mi, Trump lo a pèrdè e elekshon, Democratnan lo a controla e Camara y e Republikanonan lo tabata 51-49 den Senado”, tabata e ultimo declaracion di e un tempo bon amigo di Donald Trump, e magnate Elon Musk a bisa diahuebs. Pa basta dia tin un rivalidad y guera a cuminsa entre nan dos. Musk tambe a bisa esaki di Trump” Un ingratitud asina”.
Merca cu prohibicion di biahe pa Haiti y parcial pa Venezuela
WASHINGTON - Presidente Donald Trump a firma un proclamacion diaranson anochi pa prohibi biahe di varios pais pa Merca, citando riesgonan di seguridad. Entre nan pa Haiti, y un prohibicion parcial pa Venezuela. E prohibishon lo restringí completamente entrada di ciudadanonan di 12 pais: Afganistan; Myanmar, tambe conoci como Birmania; Chad; Republica di Congo; Guinea Ecuatorial; Eritrea; Haiti; Iran; Libia; Somalia; Sudan; y Yemen.
Follow NoticiaCla
