CMO: Tin ekipo di 60 hende cla pa atende cu derame petrolero si e yega Aruba

CMO: Tin ekipo di 60 hende cla pa atende cu derame petrolero si e yega Aruba

Posted on 02/28/2024 10:41 am AST | Updated on 02/28/2024 11:11 am AST

ORANJESTAD – Gobierno di Aruba ta planea pa activa un ekipo di 60 hende pa atende cu e situacion di derame di petrolio si esaki yega costa di nos isla. Asina e director di e Crisis Management Office (CMO) Rino Hermans a declara na prensa internacional e siman aki. Manera ta conoci, e derame di petrolio cu a sosode na Trinidad y Tobago, a yega costa di Bonaire e siman aki pa cual Aruba a anuncia cu nos ta den codigo oraño (for di codigo geel). E ekipo lo trata hende di prome auxilio (first responders) y di limpiesa. 

DIVIDI ARUBA

A splica cu a dividi Aruba den 4 seccion y cada departamento ta monitoriando e situacion. E neshi di tortuganan entre otro lo keda protehi, y beachnan frecuenta pa turista tambe. For di dialuna, gobierno di Bonaire a bisa cu e zeta tabata mustra un menasa serio pa tanto humano y naturalesa y cu servicio di emergencia a keda activa. Diamars tambe CMO a bati alarma na Aruba den un forma di un boletin pa menciona cu e ta monitoriando e situacion y cu nan ta na altura di e situacion.  

  • Zulo
  • Alpina
  • Powered by SETAR