Hyatt Corporation a bende su hotel na Aruba cu un cumprado desconoci

Hyatt Corporation a bende su hotel na Aruba cu un cumprado desconoci

Posted on 02/27/2024 8:36 pm AST | Updated on 02/27/2024 8:38 pm AST

ORANJESTAD – Un cumprado no identifica a cumpra e hotel Hyatt Regency Aruba Resort Spa & Casino di e compania Hyatt Corporation e luna aki. Asina e portal di finanzas Marketseeker.com a raporta. Mientras cu e cumprado no ta conoci, Hyatt Hotel Corporation a confirma cu e la bende e hotel pa 200 miyon dollar y como parti di e transaccion, Hyatt Hotel Corporation a financia 41 miyon dollar. E cumprado a firma e acuerdo di compra fin di aña pasa, mientras cu e cumprado a completa e adkisicion dia 9 di februari ultimo. Noticiacla a compronde cu mientras cu Hyatt no ta doño mas di e propiedad, e hotel ta sigui bou di e nomber y e doño lo opera esaki como un propiedad Hyatt. Pues de hecho, publicamente lo no tin mucho cambio. Potret cortesia TheMeetingMagazine.com

 

  • Powered by SETAR