- Minister Hulandes di Husticia van Weel a bishita wardanan di polis na Aruba awe
- Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
- Veldkamp: Hulanda lo actua contra Venezuela despues di expulsion di diplomaticonan
- Feco Gomez(AMAK): Arubianonan ta participa atrobe den festival di Tumba di Corsou
- Zoetrum (CTB): Corsou tin un sin fin di actividad pa Arubianonan den 2025
Van Huffelen na Tweede Kamer: Aruba mes a acorda RAFT, y despues ‘hala atras’
DEN HAAG –A base di un serie di pregunta di por lo menos 3 diferente partido Hulandes di Tweede Kamer riba e tema na e secretario di estado Hulandes van Huffelen, e mandatario Hulandes awe (diamars) a bolbe confirma cu Aruba mes a acorda e ley di Reino pa supervision na 2020 y despues a hala atras. E preguntanan tabata a base di contesta cu e mandatario Hulandes a duna riba otro pregunta riba e supervision financiero, den luna di December di aña pasa. Y ni maske con e preguntanan tabata formula, van Huffelen a para ariba cu e no ta cambia di opinion, y cu sin un Ley di Reino, no tin acuerdo pa interes mas abou. E partidonan cu a haci pregunta tabata entre otro Groenlinks/PvdA, ChristenUnie, y Partij voor de Dieren PvdD.
REUNION CARA CARAE timing di e carta y contestanan aki ta interesante pasobra ta net den e siman cu van Huffelen y Prome minister Wever Croes ta topa otro personalmente. E cartanan y contesta aki ta set e tono cu e combersacionan aki mester tuma lugar. Si tabatin cualkier indicacion cu e mandatario Hulandes lo a baha cabez awor cu Wever Croes ta tope personalmente, esaki awor sigur ta kita for di mesa. E mandatario Hulandes lo topa e mandatario di Aruba, pero no pa cambia su pensamento sino pa sigura cu Aruba mester cumpli, si e kier un miho tasa di interes. Sino no.
TIPO DI PREGUNTANAN
Mayoria di pregunta tabata cuestiona e postura duro di Gabinete Hulandes, di no kier duna aden pa Aruba haya un interes mas abou. Tabata kier a sa entre otro kico e base di e postura Hulandes (lesa:Gobierno Hulandes) tabata pa exigi Aruba pa firma e ley di Reino, no obstante e grandura di e risico cu Hulanda ta cana. Aki ta unda cu van Huffelen a refresca memoria di Tweede Kamer, cu ta Aruba mes a bay di acuerdo for di 2020 cu un rijkswet. (Aruba ta bisa cu esaki ta berdad pero cu e tempo ey cu Covid, e tabatin lomba contra muraya debi na e situacion cu a surgi. Hulanda ta wak e como ‘acuerdo ta acuerdo’ y cu ‘mester cumpli’. Segun van Huffelen, ta trata di prestamo di duracion largo, y ta solamente un ley di Reino ta garantisa cu e ta cana bon. “Despues cu na 2020, 2021 y 2022 Hulanda a duna Aruba no solamente prestamo pa Covid, pero tambe dos otro prestamo, Aruba a laga mi sa aña pasa cu no tin consensus mas riba e ley (di Reino:red).
PREGUNTA PRO ARUBA
Por nota cu hopi di e preguntanan ta den beneficio di Aruba y ta mas bien haci na banda di Aruba. Entre otro ta sigui cuestiona e hustificacion pa presiona Aruba pa firma e ley, siendo cu no tin echt menasa asina fuerte y cu Hulanda no ta siendo husto cu Aruba.
Aki van Huffelen ta ripiti ‘atrobe’ cu e problema mas grandi, ta e falta di siguransa cu no por tin cambio unabez cu e ley ta firma. “Tanten cu e supervision financiero ta regla den un ley local, e risico di credito pa Hulanda ta keda mas grandi cu si e tabata e caso via un lei di Reino” e mandatario ta insisti. E ta mustra cu no ta pa e calculacion di e cantidad di risico, sino mas bien si e risico tey of no. E ta admiti cu no tin ningun otro motibo, sino solamente cu ta e falta di confiansa nan tin, esta Hulanda, cu Aruba no ta cambia e ley atrobe, si e ta den un structura local. “Tur prestamo a wordo otorga despues di e di dos tranche, bou di e comprondimento cu tabatin un palabracion pa regla e supervision den un lei di Reino. Bo Parlamento a wordo informa di esaki. Aruba a firma pa esaki den 2020 y a despues hunto (cu Hulanda ) a entrega e concepto.
CONTRADECI PROME MINISTER
Y manera cu e la haci repetidamente, e mandatario Hulandes a contradeci y refuta e ponencia di prome minister Hulandes riba e tema aki. Specificamente e hecho cu Aruba a sigura cu si e ley ta ancra via un LAFT, cu Aruba no por cambia esaki unilateralmente. Ademas Aruba mes a manda un conseho pa Hulanda unda cu ta confirma cu Aruba por cambia e LAFT unilateralmente. “Den e conseho cu Aruba a solicita, ta para cu e terminacion di e protocol ta posibel, cu ta haci cu e palabracion cu Aruba no lo asisti na un cambio di LAFT, ta caduca. ‘Cu e autor (di e conseho) no ta considera e posibilidad aki, no ta kita cu e ta keda posibel” van Huffelen ta sigui bisa. E mandatario ta bay hopi mas den extenso riba e asuntonan aki. Pa lesa esaki por click AKI.
Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
DEN HAAG – Ta bergonsoso cu partido politido KEM na Corsou, a apunta su lider Lo Martinez como lijsttrekker, esta pa lidera e lista politico pa e proximo eleccion, siendo cu e persona tin un luna cera caba den prizon, pa sospecho di corupcion. E miembro di Tweede Kamer pa partido PVV Peter van Haasen, a cuestiona e secretario di estado Hulandes Szabó riba e tema aki durante un debate riba islanan CAS diaranson mainta. Segun e miembro di PVV, a spera un intermediacion di parti di Hulanda, pero Szabó a splica cu e no por intermedia den e asunto aki. E ta compronde si cu den e debate di awe mainta, no tin sosten pa e acto cu a tuma lugar na Corsou.
Veldkamp: Hulanda lo actua contra Venezuela despues di expulsion di diplomaticonan
DEN HAAG - Como contesta riba e expulsion di varios diplomatico Hulandes for di Venezuela e siman aki, minister di Relashonnan Eksterior Hulandes Veldkamp a yama e encargado di asuntunan Venezolano (un hende cu ta tuma e tareanan di un embahador) ‘op het matje’. Veldkamp ta yama e desaroyonan un escalacion cu ta haci e dialogo mas complica ainda.
Dies caso di contaminacion pa a come blueberry di Albert Hein na Hulanda
AMSTERDAM - Diez persona a raporta na Albert Heijn ayera nochi laat cu nan a bira malo despues di a come blueberry. E cadena di supermercado a anuncia un retiro grandi despues cu por lo menos diesdos persona a keda infecta cu hepatitis A despues di a consumí blueberry congela.
Van Dijk (NSC) a bira presidente di Comision di Relashonnan di Reino pa Tweede Kamer
DEN HAAG – Olger van Dijk (NSC) ta e presidente nobo di Comision di Relacionnan den Reino di Camara di Representantenan (Tweede Kamer). El a haya 4 di e 6 votonan emiti. Oponente Songül Mutluer (GroenLinks-PvdA) – e presidente interino te ku awe – a risibí 1 voto. E comision aki ta atende cu asuntonan cu ta regarda e.o. asuntonan di Aruba, Corsou y St Maarten y islanan BES. Esaki ta haci su posicion di importancia pa nos.
Secretario di Estado pa Asuntonan di Reino Zsolt Szabó a firma registro di condolencia
DEN HAAG – Secretario di Estado pa Asuntonan di Reino Zsolt Szabó a firma e registro di condolencia na Gabinete di Aruba pa ex-prome Minister Henny Eman kende riba 6 di Januari ultimo a fayece na e edad di 76 aña.
Zsabó: ‘No tin luga pa corupcion den e paisnan Caribense di Reino’
DEN HAAG – Corupcion, minamento di confiansa publico, y otro formanan di criminalidad no tin luga den un estado constitucional, segun Zsolt Zsabó, Secretario di Estado di Relashonnan di Reino Hulandes. Zsabó a enfatisá su compromiso pa promove bon gobernacion y fortalese estado di derecho den colaboracion cu e paisnan Caribense denter di Reino Hulandes.
Follow NoticiaCla
