- Director di ATIA ta invitado den Noticiacla LIVE awe nochi
- Confirma: No tin container di klapchi for di China pa Aruba e aña aki!
- AHATA ta duna sosten na Enseñansa pa Empleo pa yuda fortalece nos forsa laboral
- BCA: Casi 60% di negoshi encuesta ta anticipa un crecemento economico positivo den e siguiente 12 lunanan
- IAPA ta rechaza censura di cobertura di prensa na Aruba
Xander Bogaerts luchando cu su posicion nobo di segunda base den baseball Liga Mayor
PEORIA – Pelotero professional Xander Bogaerts ta purbando di custumbra cu su posicion nobo di segunda base den su ekipo San Diego Padres. Manera cu Noticiacla a informa anteriormente, e temporada aki Bogaerts ta pasa di shorts stop pa secunda base. Ta resulta cu e ta henter un cambio, cu ta mas dificil cu a premira. Asina mes, e coach di fildeo Tim Leiper tin tur confiansa cu Bogaerts lo ta cla ora cu e temporada nobo cuminsa.
ENTRENA
Dialuna despues di e practica di bateo, Leiper a tuma tempo pa entrena special cu Bogaerts. E tabata duna Bogaerts bala di tur angulo pa e custumbra pa gara. E tin cu enfoca intensamente riba su posicion di pia, mientras cu e ta maneha e bala riba tereno awor. Ta despues di mas di un decada, e ta haye cu e situacion aki. Segun Bogaerts, loke ta frustrante pe, ta e birada na secunda, hayando e tiro di sea tercera base of short stop. “Mi tabata custumbra di wak e bin den un solo direccion. Straight den mi direccion”. E tin cu ta pendiente di otro hungador pa por ricibi e bala, cu anteriormente tabata bin straight den su direccion. E siman aki mes, e la ricibi un bala y a tire un poco halto pa short, cu tabata cubri e base, y esey a pone cu e empire a canta e yegada di e hungador contrario, como safe. Un hugada frustrante pa Bogaerts.
Aruba Open Beach Tennis Championships ta introduci cobransa na entrada pa 2024
ORANJESTAD – Aruba Open Beach Tennis Championships, un di e eventonan mas iconico den e ITF Beach Tennis World Tour, ta bolbe na Bushiri Beach for di 10 pa 17 di november 2024. Pa prome biaha den su historia, e evento di ocho dia lo rekeri un entrada nominal, marcando un cambio significante den e manera cu e ta ser presenta na comunidad y invitadonan internacional.
Federacion di Ahedres di Aruba a participa na e 45th Chess Olympiad na Budapest, Hungria
ORANJESTAD - Manera ta conoci Federacion di Ahedres di Aruba a participa na e 45th Chess olympiad na Budapest, Hungary. Aruba women team lidera pa Annelaine Jacobs y Lourdes Moreno, como esnan di mas experiencia, conhuntamente cu talentonan hoben Thamara Sagastegui, Samantha Aponte y Sylvi Cabral, nan a logra 9 match points y 13.5 board points pa asina posiciona Aruba na lugar 132.
Ban Uni pa Diabetes: Registra pa e di 7 Edicion di Diabetes Run & Walk
ORANJESTAD - Botica di Servicio, conhuntamente cu CMB, Healthy Lifestyle Center Aruba y Subway, ta uni e aña aki pa organiza e di 7 edicion di Diabetes Run & Walk 2024 cu lo tuma lugar riba diadomingo, 10 di november 2024.
Delegacion di ahedres di Aruba ta competiendo na Olimpiada Mundial di Ahedres na Hungria
BUDAPEST - Dia 9 di september 2024 delegacion di Ahedres di Aruba a sali pa Budapest Hungría pa competi na e di 45 Olympiada mundial di ahedres.
Ainda sin Messi, campeon mundial Argentina y Brasil tambe ta sigui perde
BOGOTA – E seleccion di futbol di Argentina a perde pa di dos biaha diamars anochi den e torneo di clasifikashon pa Mundial 2026. Na Colombia, e ekipo, sin e leciona Lionel Messi, a perde 2-1. E derrota, cu ta sigui diesdos victoria consecutivo, tin poco consecuencia.
SV Britannia a titula campeon di copa ABC na Boneiro
ORANJESTAD – Recientemente Minister di Deporte Endy Croes a ricibi ekipo di SV. Britannia cu a titula campeon di Copa ABC na Boneiro. SV Britannia ta nos campeon di Division di Honor 2023-2024 y bay representa Aruba na Boneiro den Copa ABC di 15 pa 19 di augustus ultimo. Un total di cuater (4) team a participa, esta Real Rincon campeon di Boneiro, Vespo subcampeon di Boneiro, Young Colombia campeon di Corsou y Britannia campeon di Aruba. Den final Britannia a hunga contra Young Colombia di Corsou y a derota Young Colombia cu e score di 2-1 y asina titula campeon di Copa ABC. E gol a keda anota pa e hobennan deportista Peter Susebeek y Fernando de Sousa. Prome biaha den historia cu Britannia ta gana Copa ABC y den nomber di Gobierno di Aruba, e mandatario di Deporte a otorga e medaya di 4D. Sr. Reinaldo Geerman cu ta forma parti di directiva di SV Britannia a indica cu den final Britannia tabata perdi 1-0, pero cu disciplina y determinacion di e team a logra gana e wega y trece e copa Aruba.
Follow NoticiaCla
