Silvestre Dangond ta yega Aruba mayan!

Oranjestad – E artista di vallenato di momento, esta Silvestre Dangond ta yega Aruba mayan pa 1’or di atardi directamente for di Miami pa continua cu su tour “Sigo Invicto 360”cu un presentacion exclusivo na Aruba. Silvestre Dangond mediante su ekipo di promocion na Aruba a extende un invitacion personal na tur su fanaticonan ‘silvestrista’ pa yega Aeropuerto Reina Beatrix 1’or di atardi, diabierna 29 di Mei pa comparti un rato cun’e tras di su yegada riba nos isla. Desde diamars caba e productornan di e “Sigo Invicto Tour 360” ta na Aruba pa asina inicia cu tur preparacionnan na Don Elias Mansur Ballpark pa e concierto aki unda cu Silvestre Dangond lo haci un recorrido di tur su exitonan acompaña pa 21 integrante di su banda. E ekipo di Silvestre Dangond conhuntamente cu ‘Apushana Producciones’ ta sumamento contento cu e acogida pa e concierto aki y ta corda henter comunidad di Aruba cu e show ta cuminsa mayan pa 8’45 di anochi cu Buleria, sigui pa D’licious cu lo subi stage pa 10:30 pm. y pa 12:30 Silvestre Dangond mes lo ta riba scenario cu su banda completo.