BDS Aruba y Corsou ta lansa Programa Educativo pa Apothekersassistent

(ADVERTORIAL)

ORANJESTAD - Na Aruba y Corsou tin un escasez di apothekersassistent graduando for di programanan local. Un parti significante di esnan cu ta gradua hopi biaha ta sigui estudio adicional den exterior. Como e prome botica certifica HKZ na Caribe Hulandes, cu 4 botica na Aruba, y 12 botica na Corsou, BDS ta comprometi pa stimula excelencia den nos team y pa entrega servicio di cuido di salud sin igual na nos comunidadnan. Reconociendo e rol critico cu apothekersassistenten ta hunga den entrega di servicio di cuido y salud cu calidad y sigur den e boticanan. Esaki kiermen cu Botica di Servicio ta tuma pasonan proactive pa atende na e problema aki. 

Den colaboracion cu Leidse Onderwijsinstellingen, Botica di Servicio Aruba y Botika di Servisio Curacao ta orguyoso pa anuncia e comienso di un programa di entrenamento vocacional pa apothekersassistent. E iniciativa aki tin como meta entrena nos coleganan, ofreciendo nan oportunidad pa desaroyo profesional den nos organisacion. Dies coleganan lo participa den e programa aki – cinco na Aruba y cinco na Cursou.

Durante un periodo di dos aña, e participantenan lo pasa un entrenamento comprensivo, cuminsando cu e logro di un diploma acredita di nivel. MBO 4. E curiculo ta cubri un rango amplio di habilidadnan esencial, incluyendo preparacion di medicamento, conseho na pashent y practicanan di despensacion sigur. Integral na e programa ta experencia practico cu ta wordo obteni pa medio di intercambio (stage) na nos boticanan, unda participantenan lo traha na tur e localidadnan di Botica di Servicio.  

Ademas di esaki, nos apothekers y hoofd apothekers lo sirbi como instructor hunto cu docentenan di Leidse Onderwijsinstellingen pa asina sigura cu nos coleganan lo ricibi apoyo comprensivo pa completa e programa. Como miembro registra di Samenwerkingsorganisatie Beroepsonderwijs Bedrijfsleven (Organisacion di Cooperacion pa Enseñansa Vocacional y Negoshi), nos boticanan ta ricibi informacion tocante oportunidad di intercambio, esta stage, na Aruba of Corsou. Personanan interesa por haya mas informacion via e organisacion.