Na Corsou, premier Pisas ta duna garantia cu refineria lo habri!

Na Corsou, premier Pisas ta duna garantia cu refineria lo habri!

Posted on 02/23/2024 9:12 am AST | Updated on 02/23/2024 9:43 am AST

WILLEMSTAD - Promé Minister di Kòrsou, sr. Gilmar Pisas, a enfatisá i garantisá un biaha mas ku e refineria aki na Kòrsou lo bai habri. Naturalmente lo no por duna fecha ainda, pero e refineria lo habri. Segun sr. Pisas durante un presentashon ku e tabatin ayera den Parlamento, e desaroyonan aki ta dependé un tiki si di e lei di medioambiente ku mester keda kla mas lihé posibel. Manera ta konosí, tin un veredikto di korte ku ta bisa ku operashon di e refineria mester bai di tal manera ku e aire ta keda liber di kontaminashon. Na momentu ku e lei ei ta na vigor, e lo duna e invershonista mas forsa pa mas rápido posibel e por start ku e operashonnan. Pues mas nos tarda, mas difísil kosnan lo bira. Te awor el a hasi su bèst pa yega na e etapa ei pa e invershonnan ku mester ser hasí.

Mas aleu den Parlamento tin hende ku a puntra ku, si e refineria no bai den operashon mas si lo desmantelá esaki i bai over na e proyekto di un aria bèrdè. Kisas e refineria su tempu a yega i ku e lo no habri nunka mas, i lo por habri un otro proyekto ku ta mas limpi. Segun sr. Pisas, aparte ku e por garantisá ku e refineria lo habri bèk, gobièrnu ta hopi avansá ku plannan pa generá energia for di mulinanan di bientu flotante.

E intenshon ta pa e refineria start bèk i ku e ta bai drai ku kombustibel limpi i sin emishon ku ta kousa polushon. NOTA: Texto ta scirbi den Papiamento fonetico di Corsou. 

  • Powered by SETAR