- Directie Voogdijraad ta participa su orarionan pa dianan di fiesta
- Ultimo 4 luna di 2024 so, a registra 2317 accidente di trafico na Aruba!
- WEB: Relaciona cu servicio afecta, lo no desconecta awa na december y januari
- AZV ta presenta relato 2024 relaciona cu Dia Internacional di Cobertura Universal di Salud
- A stop certamen di Miss Hulanda: ‘Out of date’
DVG: No tin motibo pa alerta pasobra Aruba no tin brote di Dengue aworaki
ORANJESTAD - Departamento di Salud Publico di Aruba DVG a tuma nota di un informacion cu a wordo publica pa consulado Mericano ubica na Curaçao cu ta importante pa nos coregi. E comunicado emeti ta haci un yamado di “alerta” pa outbreak di casonan di dengue den Caribe referiendo na diferente islanan manera Curaçao, Aruba, St Maarten (CAS) y tambe islanan Bonaire, St Eustatius, Saba (BES).
“Como Departamento di Salud Publico di Aruba encarga cu vigilancia di malesanan infeccioso y malesanan transmiti pa sangura nos kier informa comunidad di Aruba cu e informacion aki mencionando Aruba como isla experenciando “outbreak” di dengue ta incorecto. Na Aruba no tin brote di dengue na e momento aki” e departamento a bisa diahuebs. Ta importante pa ta informa cu Dengue ta un malesa endemico cu durante henter aña tin casonan sporadico y DVG ta monitorea e situacion local/ regional y mundial y ta actua mesora pa evita cu e casonan ta sigui subi. Mester remarca cu for di Juli 2023 World Health Organization a informa tur su miembronan cu Dengue por bira un problema mundial teniendo na cuenta e cambio climatologico. Door di esaki conhuntamente cu otro isla nan den Caribe Hulandes a enforza e vigilancia riba malesanan transmiti pa sangura.
Dato nan di e seccion di Epidemiologia y Investigacion ta mustra cu den e ultimo luna di 2023, DVG a ricibi 13 notificacion di Dengue di cual 5 a wordo comproba, 6 a sali negativo y 2 caso a wordo registra como probable. Pa aña 2024 tin 6 notificacion haci pa Dengue, di cual 2 a sali positivo, 2 negativo y di 2 caso nos ta pendiente resultado di laboratorio. Compara cu aña nan anterior, esaki no ta diferente. Indice nan di control di GKMB tambe ta mustra esaki y hospital no tin ningun caso di admision door di Dengue te cu awor aki. E datosnan aki ta indica cu Aruba
Pa medio di e comunicado aki Departamento di Salud Publico kier infatisa cu Aruba no tin un “alerta” pa casonan di Dengue y den cualkier caso di un malesa cu ta un menasa pa salud publico Departamento di Salud Publico di Aruba (DVG) ta e instancia oficial pa informa comunidad debidamente.
Directie Voogdijraad ta participa su orarionan pa dianan di fiesta
Ultimo 4 luna di 2024 so, a registra 2317 accidente di trafico na Aruba!
ORANJESTAD – Faltando algo mas cu 2 siman pa e aña aki termina, e portal www.traficosigur.aw ta raporta cu tin ya caba 7984 accidente di trafico, di cual 13 tabata fatal. Esaki ta un cifra basta halto pa un isla chikito manera Aruba. Esaki ta nifica cu den e ultimo 3 luna y mei tabatin 2317 accidente, cu ta di un average di 772 accidente pa luna. Un aumento di 170 accidente pa luna compara cu cifranan disponible di 2022.
WEB: Relaciona cu servicio afecta, lo no desconecta awa na december y januari
ORANJESTAD – WEB Aruba a informa diahuebs cu lo no corta awa den December 2024 y januari 2025. E ta bisa di ta consciente cu su servicio relaciona cu introduccion di e sistema nobo di cliente no ta optimal ainda y cu esaki a trece cun’e cu clientenan lo no por paga nan cuenta di awa na tempo. Debi na e esaki gerencia di WEB ta informa cu lo no desconecta suministro di awa durante lunanan di december y januari proximo. Asina gerencia di WEB a informa den un comunicado. Ta trata di e cuentanan di awa cual ta caduca na lunanan di december y januari. Ademas lo no cobra boet pa clientenan cu ta paga despues di e ultimo fecha di pago.
AZV ta presenta relato 2024 relaciona cu Dia Internacional di Cobertura Universal di Salud
Analisis: Yena lista pa yena…
Caminda dilanti High Rise Hotel na Palm beach a keda habri atrobe
PALM BEACH – E siman aki DOW a habri e caminda dilanti high rise hotel, como fase 1. Despues di algun contratiempo e caminda a keda renoba completamente, Proyecto reconstruccion di caminda High Rise Hotel fase 1 a wordo habri. Falta fase 2 cu ta sigui despues di e hotel Barcelo te despues di Hilton. Esey lo tuma lugar den 2025.
Follow NoticiaCla
