- Hospital Horacio Oduber tambe a participa na simulacro pa Tsunami awe
- Corsou ta den gara total di eleccion pa diabierna!
- Hospitalnan na Hulanda ta anuncia welga nacional
- Kirsty Coventry eligi como presidente nobo di Comite Olimpico Internacional
- Gobernador Boekhoudt a ricibi Consul General a.i. di Merca
ACCION21 y RAIZ ta presiona pa trata di ley di matrimonio mesun sexo dentro di 30 dia
ORANJESTAD – Miembronan di fraccion RAIZ y ACCION21 kier pa Parlamento trata e concepto di ley cu ta habri posibilidad pa matrimonio di mesun sexo dentro di 30 dia awor. Ta trata di e lider di partido ACCION21 y parlamentario Miguel Mansur, y miembronan di RAIZ, parlamentarionan Misha Raymond y Raymond Kamperveen cu a manda e carta diaranson merdia, 21 di februari 2024.
TARDA BASTA
E carta ta cuminsa unda cu e parlamentarionan ta recorda e presidente di Parlamento Edgar Vrolijk cu no ta di awo, sino for di aña pasa October (hunto cu miembronan di partido MAS e tempo ey) a entrega e asina yama Nota naar aanleiding van het verslag di e ley, y ainda e reunion no a tuma lugar. Un di e motibonan cu no a trata e reunion, tabata un reunion presidi pa sra Guedez Erasmus (MEP), y cu esaki mester a tuma lugar pa fin di januari 2024 of prome siman di februari 2024. Pero aki tampoco esaki a tuma lugar. Otro motibo duna pa trata e reunion, tabata cu kier a warda e decision di corte di casacion riba e caso cu Fundacion Orguyo Aruba a dos aña pasa cu ta pidi pa habri matrimonio di pareha di mesun sexo. Mientrastanto e Abogado General a duna su conseho positivo caba, cu ta un conseho cu practicamente semper ta wordo tuma integralmente di e corte di casacion. E sentencia final ta na mei di e aña aki.
Na tur, e parlamentarionan awor ta pensa cu ta basta, y cu conforme e articulo 23 e reunion mester wordo yama dentro di 30 dia di despues cu e peticion pa e reunion, drenta. Awor ta keda na e presidente pa yama e reunion, y si e ta haci esaki dentro di e 30 dianan aki of si e ta mantene sum es na e motibonan menciona pa cual e reunion solicita, ainda no por a tuma lugar. Pa e carta, click AKI.
Gobernador Boekhoudt a ricibi Consul General a.i. di Merca
ORANJESTAD - Diaranson 19 di maart ultimo, Gobernador di Aruba S.E. Alfonso Boekhoudt a ricibi sr. Ramón A. Negrón, pa un audiencia di introduccion na Cas Ceremonial di Gobernador. Sr. Negrón ta e a.i. Consul-General nobo di Merca pa e region di Reino Caribense.
Wever: Consumidornan lo tin proteccion cu base legal fortifica pronto
ORANJESTAD - Diasabra ultimo, 15 di maart, mundo henter ta conmemora Dia Internacional di Derecho di Consumido. Den cuadro di esaki, riba diabierna, Aruba Fair Trade Authority a organisa un charla na Universidad di Aruba caminda a expande riba e esfuersonan andando, ambos pa proteccion di competencia husto, y muy en especial e desaroyonan riba e tereno di proteccion di consumido.
Presion ta riba formador Eman pa resolve impasse ‘nobo’ pa forma gobierno
ORANJESTAD – Formadornan Mike Eman lo mester ta haciendo intento pa e siman aki ainda, logra keda cla cu e formacion di gobierno, no obstante tur e bruhamento cu tin di ultimo dia pa cu e proceso cu atrobe tabata pega. For di un entrevista haci na e portal 24ora, e formador a duna impresion cu tur cos ta canando bon, y cu e siman aki ainda por keda cla. Sinembargo, e situacion no ta mustra asina, y cu e tin e presion interno pa tuma decision y asina si, logra keda cla e siman aki ainda manera cu Eman mes a bisa.
Politiconan di Bonaire presente na acto protocolario di Dia di Himno y Bandera
ORANJESTAD – Un delegacion di politico di e isla di Bonaire a presencia e ceremonia protocolario relaciona cu dia di Himno y Bandera di Aruba diamars ultimo. Ta trata di miembronan di Eilandsraad Cyril Vrolijk (Fraccion Vrolijk), James Kroon (UPB) y Benito Dirksz (UPB). Tambe tabatin presente, sra Nina den Heyer cu ta diputado pa Asunto Social, Enseñansa y Cultura. No ta inusual cu durante eventonan asina, politiconan di otro parti di Reino Hulandes ta presenta na Aruba, y visa versa. Riba potret cortesia di partido Futuro, por mira e politiconan di Bonaire hunto cu presidente di Parlamento Gerlien Croes y miembro di parlamento Gino Goeloe.
Partidonan dispuesto pa reuni awe riba formacion di gobierno nobo
ORANJESTAD – Por ta cu ya awe dialuna, comunidad ta conoce e nomber di e ministernan nobo di e gabinete nobo cu mester sinta proximamente. No tin nada oficial programa, pero tur partidonan ta habri y dispuesto pa reuni cu otro, aunke cu e oficina di gobernador mes oficialmente ta cera pa dianan di fiesta. Si ta bon, formadornan Mike Eman y Gerlien Croes mester a papia cu e candidatonan pa minister e fin di siman aki, y ricibi e ultimo resultado di screening di e candidatonan diabierna ultimo. Manera cu Noticiacla a bisa diabierna caba, e biaha aki no tin un fecha specifico stipula pa e siguiente encuentro entre formadornan y gobernador di Aruba, SE Alfonso Boekhoudt.
Formacion ta tranca awor pa posicion di minister plenipotenciario
ORANJESTAD – E motibo di problema pa forma un gobierno nobo, ta keda escohencia di persona pa yena funcion. Manera a bira e chiste den pueblo, ta mucho ocupa bringando cua popchi ta haya cua posicion. Si e intencion y boluntad tabatey pa awe dialuna keda cla cu e formacion y acudi na gobernador pa por los e lista di nomber di candidatonan pa minister, esaki tin cu warda algun dia mas. Por lo menos te diaranson of mas sigur diahuebs. Discusion ken ta bira e proximo minister plenipotenciario, ta awor e dolor cabez di e formadornan. Algo cu segun informacion, tabata conoci hopi tempo pero cu awor a bira un asunto primordial.
Follow NoticiaCla
