Union Europeo a kita Aruba di e lista shinishi di paraiso fiscal

BRUSSEL - Aruba a wordo kita diamars di e lista ‘shinishi’ di Paraiso Fiscal door di Union Europeo. Corsou ainda ta aparece riba e lista. Dos biaha pa aña Union Europeo ta haci un descripcion general di e paraisonan di impuesto. Tin un lista preto riba cual p.e. Rusia y Panama ta aparece. Diamars a kita paisnan manera Bahama’s, Belize, Seychellen y Islanan Turco y Caico pasobra nan kier adapta nan sistema di impuesto.  

BENEFICIO FISCAL

Paisnan cu ta aporta na reformacion di nan sistemanan fiscal y di impuesto, pero no a stop completamente cu beneficio di im-puesto na compania y individuo, ta bay riba e lista shinishi. E ministernan di Union Europeo a dicidi diamars di kita Aruba di e lista aki. “Aruba a cumpli cu e obligacionan actual” e declaracion ta bisa. Corsou ainda tin cu cumpli cu algun tarea y pesey ta sigui riba e lista shinishi.  Potret di AP/Robin Utrecht