Situacion peculiar na Andicuri ayera: E ‘ayudo’ tambe a pega ora di ‘rescate’

ORANJESTAD – Un situacion peculiar a sosode dialuna mainta na altura di Andicuri, ora cu un chauffeur a pega su pickup den e lodo eynan. Pero e parti peculiar tabata e hecho cu ora cu ‘ayudo’ a yega, den forma di tres homber den un jeep, nan a bay purba yuda saca e pickup, haciendo tur sorto di tipo di intento, pero na final, cu nan tambe a bin pega den e mesun area. Pues ni e pickup ni e jeep di ayudo, tur dos a keda mal pega. No ta conoci despues con e asunto a keda soluciona si. Turistanan cu tabata pasa eybanda, a capta e imagenan aki cu Noticiacla ta presenta. Cosnan cu ta pasa na Aruba.