Donacion Tikkun Olam ta sostene mehoracion di nos planeta

Donacion Tikkun Olam ta sostene mehoracion di nos planeta

Posted on 02/19/2024 9:55 am AST | Updated on 02/19/2024 9:55 am AST

ORANJESTAD - The Salamander Group ta haci donacion di un percentahe di su bentanan na programa Tikkun Olam, Repair of The World. E fondonan colecta anualmente ta wordo duna na organisacionnan non-profit local den un esfuerso continuo pa haci bon y sirbi comunidad. E programa aki ta andando desde 2007.

Un encuentro chikito recien a trece e representantenan di cinco fundacion kende a ricibi donacion for di Salamander Group hunto. E fondonan p'e donacion a wordo genera pa e compania su programa unico Tikkun Olam. Esaki ta un nomber basa riba filosofia Hebrew unda e creencia ta cu reparacion di mundo por ta posibel pa medio di actonan di caridad.

Fondonan colecta den e cuater tiendanan tur aña y donacionnan ta presenta na comienso di cada aña na un fundacion particular. E aña aki a toca Telefon Pa Hubentud, Koningin Wilhelmina Kanker Fonds, Mary Joan Foundation, Fundacion Contra Violencia Relacional, y Fundacion Autismo Aruba.

Tikkun Olam ta un programa cu Salamander Group a bin ta sostene pa medio di henter su staff di empleadonan di curason. E fondonan ta keda genera den colaboracion cu clientenan y haci posibel danki na staff cu ta yuda cu un percentahe directo di bentanan di cliente na fundacionnan local, escogi for di un menu di Tikkun Olam obtenibel den e tiendanan. Clientenan por studia e menu na checkout y kies pa duna un percentahe di benta na nan Fundacion di preferencia. P'e aña aki su presentacion, fundacionnan a wordo pidi pa comparti e retonan cu nan ta enfrenta, y mayoria di nan ta raporta cu fondo ta loke ta hopi duro pa yega na dje, anto e necesidad ta sigui crece.

Tienda di The Salamander Group unda bo por haci bo donacion:

Playa Linda Beach Resort

The Juggling Fish, Dialuna pa Diasabra, 9:00 pa 5.30pm, Diadomingo, 10:00am pa 5:30pm

The Juggling Fish Swimwear, ialuna pa Diasabra 9:00 pa 5.30pm, Diadomingo, 10:00am pa 5:30pm.

 

T.H. Palm Company, 9am pa 10pm, Diadomingo , 10:00 pa 10.30 pm

Alhambra Casino & Shops,

The Lazy Lizard, for di 9am pa 10pm; Diadomingo, 10:00am pa 9:30pm

Managing director Jodi Tobman ta raporta: Nos ta agradecido di e ceremonia di donacion anual mirando con e fruto di nos labor ta trece alegria na un comunidad di boluntario cu ta traha cu hopi pasion na bienestar di e isla su causanan social. Nos ta honra pa honra boso, pa boso trabao duro y dedicacion.

  • Video: Con a yega na titulo di documentario ‘I can’t be moe’ ?

     Video: Con a yega na titulo di documentario  ‘I can’t be moe’ ?

    ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada. 

  • Carlos Bislip cu concierto gratis di JAM riba Dia Mundial di Jazz

    Carlos Bislip cu concierto gratis di  JAM riba Dia Mundial di Jazz

    ORANJESTAD  – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion. 

  • Aruba One Happy Island Lions Club y Friends of Lions a yuda mas di 500 personaden necesidad

    Aruba One Happy Island Lions Club y Friends of Lions a yuda mas di 500 personaden necesidad

    ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad. 

  • Conocido musico Ivan Jansen reconoci pa su ’contribucion na herencia cultural di Aruba’

    Conocido musico Ivan Jansen reconoci pa su ’contribucion na herencia cultural di Aruba’

    ORANJESTAD - Diaranson anochi na Cas di Cultura, Minister Maduro di   den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba.  Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.  

  • Conocido ciudadano Alice van Romondt ta enfoke principal di un documentario nobo

    Conocido ciudadano Alice van Romondt ta enfoke principal di un documentario nobo

    ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki.  E documentario, titula  “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM. 

  • Botica di Servicio ta Celebra 5 Aña den Servicio di Anoeska Wever y Dennis Diaz

    Botica di Servicio ta Celebra 5 Aña den Servicio di Anoeska Wever y Dennis Diaz

    (ADVERTORIAL)

  • Powered by SETAR